Qazaqstan Prezıdenti Nursultan Nazarbaevtyń Jarlyǵymen Janseıit Túımebaev Túrkistan oblysynyń ákimi bolyp taǵaıyndaldy. Bul týraly Aqordanyń baspasóz qyzmetinen habarlandy.
J.Q.Túımebaevty Túrkistan oblysynyń ákimi qyzmetine taǵaıyndaý týraly Janseıit Qanseıituly Túımebaev Túrkistan oblysynyń ákimi bolyp taǵaıyndalsyn, ol Ońtústik Qazaqstan oblysynyń ákimi qyzmetinen bosatylsyn.
Qazaqstan Respýblıkasynyń Prezıdenti N.Nazarbaev
Astana, Aqorda, 2018 jylǵy 20 maýsym
№703
Túımebaev Janseıit Qanseıituly 1958 jyly Ońtústik Qazaqstan oblysynda dúnıege kelgen, fılologııa ǵylymynyń kandıdaty, professor. Qazaq memlekettik ýnıversıtetin, Máskeý memlekettik áleýmettik ýnıversıtetiniń zan fakýltetin bitirgen. 1980-1993 jyldary - Qazaq memlekettik ýnıversıtetinde oqytýshy, dosent. 1993-1994 jyldary - Qazaqstan Respýblıkasy Syrtqy ister mınıstrliginiń birinshi hatshysy, bólim bastyǵy. 1997-1999 jyldary - Qazaqstan Respýblıkasy Prezıdenti protokol qyzmetiniń bas sarapshysy, Qazaqstan Respýblıkasynyń Ystanbul qalasyndaǵy Bas konsýly, 1999-2006 jyldary - QR Prezıdenti protokolynyń jetekshisi, 2004-2006 jyldary - Qazaqstan Respýblıkasy Prezıdenti protokolynyń jetekshisi - Qazaqstan Respýblıkasy Prezıdentiniń keńesshisi, 2006-2007 jyldary - Qazaqstan Respýblıkasynyń Bilim jáne ǵylym mınıstri, 2007-2010 jyldary Reseı Federasııasyndaǵy Tótenshe jáne О́kiletti Elshisi, 2010-2016 jyldary Qazaqstannyń Túrkııadaǵy tótenshe jáne ókiletti elshisi bolyp qyzmet atqardy. 2016 jylǵy 6 qazanda Ońtústik Qazaqstan oblysynyń ákimi bolyp taǵaıyndalǵan bolatyn. "Qazaq tiliniń tarıhı grammatıkasy", "Qazirgi qazaq tiliniń leksıkologııasy", "Qazaq tili", "Qazaq tili: Grammatıkalyq anyqtamalyq", t.b. kitaptardyń avtory. "Qurmet" ordenimen, medaldarmen marapattalǵan.