Atyraý oblystyq tarıhı-ólketaný mýzeıinde kóshpeli kórme ashyldy. Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda qazaq órkenıetiniń altyn dińgegi atanǵan Otyrardyń tarıhy nasıhattalady.
– Elimizde qurylǵan alǵashqy arheologııalyq qoryq-mýzeıdegi qundy jádigerlermen alysqa barmaı-aq tanysýǵa múmkindik týyp otyr, – deıdi Atyraý oblystyq tarıhı-ólketaný mýzeıi basshysynyń orynbasary Saıa Ǵazımova. – Kórmede mýzeı qoryndaǵy H-HVIII ǵasyrlarǵa tıesili arheologııalyq turmystyq buıymdar, nýmızmatıkalyq jáne zergerlik zattar, qarý-jaraq túrleri, HI ǵasyrdyń aıaǵy men HII ǵasyrdyń basynda ómir súrgen dindar, ıslam dininiń ýaǵyzdaýshysy, túrki sopylarynyń babasy, áıgili Qoja Ahmet Iаsaýıdiń ustazy hám tálimgeri Arystanbab áýlıe jáne onyń kesenesi týraly tarıhı derektemeler kópshilik nazaryna usynylyp jatyr.
Kórmeniń ashylý saltanatynda Otyrar memlekettik arheologııalyq qoryq mýzeıiniń bas qor saqtaýshysy E.Tólendiuly óńiraralyq baılanysty nyǵaıtýǵa baǵyttalǵan sharanyń mańyzy jaıynda aıtty. Otyrardyń mádenı muralary atyraýlyqtarǵa bir aı boıy kórsetiledi.
Baqytgúl BABASh, «Egemen Qazaqstan»
ATYRAÝ