Astana qalasyndaǵy Qazaqstan Respýblıkasynyń Ulttyq mýzeıinde Abaıdyń «Jıdebaı-Bórili» memlekettik qoryq-mýzeıiniń uıymdastyrýymen hákim Abaı men danyshpan Shákárimniń ómiri men shyǵarmashylyǵana arnalǵan «Uly tulǵalar úndestigi» kórmesiniń saltanatty ashylý rásimi bolyp ótti.
-«Uly tulǵalar úndestigi» kórmesi Qazaqstan Respýblıkasynyń Prezıdenti N. Á. Nazarbaevtyń «Rýhanı jańǵyrý: Bolashaqqa baǵdar» baǵdarlamalyq maqalasy aıasynda jáne Astana qalasynyń 20 jyldyq mereıtoıyna oraı uıymdastyrylyp otyr,-dep habarlady Abaıdyń memlekettik qoryq mýzeıiniń dırektory Bolat Júnisbekov,-qasıetti meken – Shyńǵystaýda dúnıege kelgen Abaı men Shákárim qazaq halqynyń mańdaıyna bitken uly aqyndar, jańa jazba ádebıettiń negizin qalaýshylar. Qos alyptyń shyǵarmalary arqyly qazaq ádebıeti, qazaq mádenıeti shyǵystyń, batystyń tańdaýly oıshyldarynyń álemdik fılosofııalyq ıdeıalarymen baıyp, jańa deńgeıge kóterildi.
Kórmede danyshpan Abaı men oıshyl Shákárimniń ómiri men shyǵarmashylyǵy jáne qoǵamdyq qyzmetinen syr shertetin birqatar qundy derekter, jádigerler, Abaı oqyǵan medrese kitaptary: «Kıtab sharaha alama», «Tarıhı Jaýdat», Ibn Haldýnnyń musylman elderi jáne Afrıka elderiniń tarıhy jazylǵan eńbekterine oryn berilgen.
Abaıdyń «Jıdebaı-Bórili» memlekettik qoryq-mýzeıiniń baspasóz qyzmetiniń málimetine súıensek, Astana qalasynyń turǵyndary men qonaqtary kórmedegi Abaıdyń ólketaný mýzeıine óz qolymen tapsyrǵan zattaryn, Abaıdyń uly Maǵaýııaǵa jazǵan hatyn, Abaıdyń naǵashy atasy Turpannyń er-toqymyn, Shákárimniń shoqpary men saptyaıaǵyn, Tobyqty elinde keń taraǵan úsh ishekti dombyrany 2018 jyldyń 8 shildesine deıin tamashalaıtyn bolady.
Raýshan NUǴMANBEKOVA,
SEMEI