Bıyl Ulttyq biryńǵaı testileýge 98 698 túlek qatysty. Onyń 14,6 myńnan astamy joǵary oqý orynǵa túsý úshin qajetti upaıdy jınaı almady. Bul týraly Ortalyq koomýnıkasııalar qyzmetinde ótken brıfıng barysynda Ulttyq testileý ortalyǵynyń dırektory Ramazan Álimqul aıtty.
2018 jyly UBT boıynsha bir túlek qana eń joǵary ball alǵan. Degenmen, 130-139 upaı jınaǵan 1 405 túlek bar, bul ótken jylmen salystyrǵanda eki ese artyq.
"UBT tapsyrýǵa 102,447 ótinish jazyldy, onyń 77 224 (75 paıyzy) qazaq tilinde, 25 myń ótinish orys jáne 46 ótinim aǵylshyn tilinde kelip tústi, Ázirge aǵylshyn tilinde 28 oqýshy UBT tapsyrdy, ortasha ball 85, al Qazaqstan boıynsha 83 ball. Bizdiń oıymyzsha, bul aǵylshyn tilindegi test suraqtary sapaly jáne mazmundy ekenin dáleldeıdi. Bıylǵy jyly UBT-ǵa 986998 adam qatysty", - dep habarlady Bilim jáne ǵylym mınıstrliginiń Ulttyq testileý ortalyǵynyń dırektory Ramazan Álimqul OKQ-daǵy brıfıngte.
Onyń aıtýynsha, aǵymdaǵy jyly toǵyz oqýshynyń qorytyndylary qabyldanbady.
"Barlyǵy 84 065 bitirýshini qoıylǵan mejeden ótti, bul kórsetkishtiń 85 paıyzy, ókinishke qaraı 14 633 talapker UBT tabaldyryǵyn eńsere almady, bul kórsetkishtiń 14 paıyzy. О́tken jyly bul kórsetkish 15 paıyz bolǵan", - dedi ol.
Ramazan Álimqulovtyń aıtýynsha qanaǵattanarlyq nátıje kórsete almaǵan túlekterdiń tamyzda UBT-ny qaıta tapsyrýǵa múmkindigi bar.
"О́tken jyldan bastap tamyz aıynda UBT-ny qaıta tapsyrýǵa múmkindik bar. Tamyzda da qoıylǵan mejeden asa almasa, túlek shartty túrde Qazaqstandaǵy joǵary oqý ornyna túse alady, sodan keıin birinshi semestrdiń sońynda UBT-ny úshinshi ret qańtar aıynda tapsyrýǵa bolady. Bul jaǵdaıda túlek bilim berý grantyna úmitker bola almaıdy", - dedi ol.