WBA/WBC/IBO nusqalary boıynsha orta salmaqtaǵy álem chempıony Gennadıı Golovkın 15 qyrkúıekte Saýl «Kanelo» Alvarespen ótetin jekpe-jekke bıletterdiń satyla bastaǵanyn málim etti, dep habarlaıdy Sports.kz.
«Bıletterdiń aldyn ala satylymy erteń Tynyq muhıty ýaqytymen saǵat 10.00-den (Astana ýaqyty boıynsha 23:00) bastalady. GGG promokodyn paıdalanýdy umytpańyzdar», - dep jazdy boksshy óziniń Instagram paraqshasynda bıletterge aldyn ala tapsyrys berýge bolatyn siltememen bólisip.
Golovkın-Alvares II boks keshi 15 qyrkúıek kúni Las-Vegastyń ýaqytymen saǵat 17:00-de (Astana ýaqytymen 16 qyrkúıek saǵat tańǵy 06:00) bastalady. GGG men «Kanelo» WBA, WBC jáne IBO nusqalary boıynsha orta salmaqtaǵy álem chempıony tıtýlyna talasady. Dál qazir bul tıtýldarǵa qazaqstandyq boksshy ıe bolyp otyr.