Bul jyldyń basty jańalyǵy – qańtar aıynda respýblıkanyń jańa Ánurany qabyldandy. Oǵan sazger Sh.Qaldaıaqovtyń 1950 jyldary jazylǵan «Meniń Qazaqstanym» áni alyndy. Sondaı-aq táýelsizdiktiń 15-shi jylynda eldegi turaqtylyq pen ultaralyq, dinaralyq tatýlyq kelisim taýyp, ekonomıkalyq turǵydan 2000 jylmen salystyrǵanda IJО́ eki ese artty. Osy jyly shekara máselesi tolyq sheshimin taýyp, halyqaralyq qujattarmen bekitildi. Saıası sanalýandyq pen parlamenttegi kóppartııalyq, táýelsiz sot júıesi, ombýdsmen, alqa bıler sot ınstıtýty qalyptasty. Sonymen qatar akademık Ahmet Jubanovtyń 100 jyldyq mereıtoıy IýNESKO kóleminde atap ótildi.
11 qańtar – 2005 jyldyń 4 jeltoqsanynda ótken prezıdent saılaýynda 91 paıyz daýyspen jeńiske jetken Qazaqstan Respýblıkasynyń Prezıdenti Nursultan Nazarbaevty ulyqtaý rásimi Astana qalasynda ótti. Inaýgýrasııa saltanatyna: Reseı prezıdenti V.Pýtın, Horvatııa prezıdenti S.Mesıch, О́zbekstan prezıdenti I.Karımov, Ýkraına prezıdenti V.Iýshenko, Aýǵanstan prezıdenti H.Karzaı, Tájikstan prezıdenti E.Rahmon, Grýzııa prezıdenti M.Saakashvılı, Qyrǵyzstan prezıdenti Q.Bakıev, Tatarstan prezıdenti M.Shaımıev, Bashqurtstan prezıdenti M.Rahımov qatysty.
18 qańtar – elordaǵy Kongress-holda áıgili ánshi E.Serkebaev, R.Baǵlanova bastaǵan án alyptarynyń úni toptastyrylǵan «Altyn daýystar» eksklıýzıvti kompakt-dıskisiniń tusaýy kesildi.
20 qańtar – bas qalada «Astana sáýleti men qurylysynyń fılosofııasy» atty halyqaralyq forým bastaldy. Sharaǵa qatysýshylar aǵylshyn arhıtektory N.Fosterdiń jobasymen salynyp jatqan Beıbitshilik jáne kelisim saraıy qurylysymen tanysty.
30 qańtar – Elbasy «Astanabasjospar» mekemesine baryp, alda salynýy tıis halyqaralyq Nazarbaev Ýnıversıteti, jabyq konkı sport ortalyǵy («Alaý») men 30 myń oryndyq («Astana Arena») fýtbol stadıonynyń jobasymen tanysyp, óz eskertpelerin aıtty.
21 aqpan – Astanadaǵy Ulttyq kitaphana ǵımaratynda «Astana – jańa qala» arnaıy ekonomıkalyq aımaǵynyń basshylary baspasóz ókilderi aldynda esep berdi. AEA qurylǵannan beri onymen salalas 660 kásiporyn tirkeýge alynyp, qaladaǵy qurylys jumystaryna 193,9 mlrd teńge jumsalypty. Nátıjesinde, iri-iri 62 nysan ýaqtyly paıdalanýǵa berilgen.
22 aqpan – Astanada Eýrazııalyq isker áıelderdiń sammıti ótti. Oǵan Reseı, AQSh, Norvegııa, Germanııa, Ispanııa, Ońtústik Koreıa, Ońtústik Afrıka syndy 20 elde belsendilik tanytyp júrgen basshy hanymdar qatysty.
17 naýryz – «Qazaqstan-2030» strategııasy negizinde «Astana qalasyn 2030 jylǵa deıin ornyqty damytý» týraly Prezıdent Jarlyǵy shyqty.
17 cáýir – Astana ákimi О́mirzaq Shókeev Ońtústik Koreıa astanasy Seýlge resmı saparmen baryp, qala meri Lı Meng Bakpen kezdesip, baýyrlas qalalar memorandýmyna qol qoıdy.
16 mamyr – Kongress-holda «Asqaqta, Astana» respýblıkalyq aqyndar aıtysy ótti. Bas júlde aqyn Amanjol Áltaevqa buıyryp, ol qala ákiminiń júldesi – «Volga» avtokóligine ıe boldy.
4 shilde – Astana kúni qarsańynda qala ákimi О́.Shókeev jas otbasylar men memlekettik qyzmetker jáne áleýmettik sala mamandary sanatyna jatatyn otbasylarǵa páter kiltin tabystady.
1 qyrkúıek – elordanyń kórki Beıbitshilik jáne kelisim saraıy saltanatty túrde ashyldy. Kórikti ǵımarat elimizdegi etnosaralyq tatýlyq men konfessııaaralyq kelisimniń sımvoly retinde tanyldy.
8 qyrkúıek – sol jaǵalaýdaǵy Dostyq shaǵyn aýdanynda jedel járdem stansasy iske qosylyp, 35 brıgada jumysqa kiristi.
12 qyrkúıek – elordada Álemdik jáne dástúrli dinder kóshbasshylarynyń II sezi bastaldy.
21 qyrkúıek – bas qalada tuńǵysh ret «Teatr álemi» festıvali bastaldy. Oǵan Astana men Almaty jáne oblys teatrlarymen qatar, Sankt-Peterbýrgten «Fontankadaǵy» jastar teatry, Máskeýden N.V.Gogol atyndaǵy drama teatry, Bashqurtstannan M.Kárim atyndaǵy Ulttyq jastar teatry jáne t.b. sheteldik trýppalar qatysty.
23 qyrkúıek – Astana qalasy ákimi qyzmetine Asqar Mamın taǵaıyndaldy.
3 qazan – Qazaqstan Prezıdenti Nursultan Nazarbaev Ispanııada ótken «Výelta» kópkúndik velojarysynyń jeńimpazy, «Astana» komandasynyń kapıtany Aleksandr Vınokýrovty qabyldap, II dárejeli «Barys» ordenimen marapattady.
9 jeltoqsan – Beıbitshilik jáne kelisim saraıynda Elbasy Nursultan Nazarbaevqa «Han Shatyr» saýda ortalyǵy men Býrabaı shańǵy kýrort-qoryǵynyń ınvestısııalyq jobalary tanystyryldy.
13 jeltoqsan – Elbasy Nursultan Nazarbaev sol jaǵalaýyndaǵy Mınıstrlikter úıimen irgeles ornalasqan «Qazyna Taýer» ǵımaratynyń tusaýkeser rásimine qatysty.
13 jeltoqsan – Nursultan Nazarbaev túriktiń «Baıtýr Inshaat Teahıýt» kompanııasy salyp shyqqan 260 oryndyq akýsherlik-gınekologııalyq jáne 240 oryndyq pedıatrlyq blogy bar Ana men bala ulttyq ǵylymı ortalyǵyna baryp, qurylys nysanymen tanysyp shyqty.
Daıyndaǵan Beken QAIRATULY
«Egemen Qazaqstan»