Ortalyq kommýnıkasııalar qyzmetinde Ulttyq sport túrlerinen Astana qalasynyń 20 jyldyǵyna arnalǵan respýblıkalyq «Uly Dala rýhy» festıvaline oraılastyrylǵan baspasóz-konferensııasy ótti. Baspasóz-konferensııasyna Mádenıet jáne sport mınıstrligi Sport jáne dene shynyqtyrý isteri Komıteti tóraǵasy Serik Jarasbaev pen Ulttyq Sport túrleri qaýymdastyǵy Prezıdenti Bekbolat Tileýhan qatysty.
«Mádenıet jáne sport mınıstrligi Astananyń 20-jyldyǵyn merekeleý aıasynda biraz aýqymdy sporttyq sharalardy qolǵa aldy. «Uly Dala rýhynyń» ereksheligi – festıval elimizdiń barlyq óńirin qamtıdy. Astana ortalyq bolady, úsh aıdan soń, aqtyq jarystar Elordasynda uıymdastyrylady», dedi Serik Maratuly.
Ulttyq Sport túrleri Qaýymdastyǵynyń Prezıdenti Bekbolat Tileýhan, Uly Dala rýhymen qatar, Astananyń týǵan kúnine arnalǵan «Astana kýbogy» báıgesi týraly tilge tıek etti.
«Bıyl Astana qalasynyń 20 jyldyǵyn merekeleý keń aýqymda qolǵa alyndy. Jyl basynda «20 jyldyqqa-20 is-shara» atty kampanııa jumysyn bastaǵanbyz. Osy joba boıynsha biraz sharalardy ótkizdik. Sondaı-aq, Astananyń týǵan kúnine «Astana kýbogy» at jarysyn josparladyq. Bul báıge eki qashyqtyq boıynsha ótedi. Alaman – 25 shaqyrym, ekinshi báıge – 16 shaqyrym. Astana kýbogyn sarapqa salýǵa respýblıkamyzdyń barlyq oblystary, Astana , Almaty qalalarynyń atbegileri 2 júırikten qosa alady», dedi Bekbolat Tileýhan.
4 shilde kúni bastalyp, 16 qyrkúıek kúni aıaqtalatyn jastar arasyndaǵy festıval básekesine respýblıka boıynsha 7073 sportshy qatysady. Ulttyq sporttyń kókpar, báıge, teńge ilý, aýdaryspaq, jamby atý, qazaq kúresi, toǵyzqumalaq, asyq atý túrinen ótetin jarystar komandalyq tártipte júrgiziledi. Úsh aıdan astam ýaqytqa sozylatyn bul festıval II kezeńge bólingen. I kezeń aımaqtyq irikteý jarystary. Alǵashqy kezeń básekesi tórt aımaqta ótedi. 4 shilde kúni Qazmedıa ortalyǵynda festıvaldiń ashylý saltanaty jáne jerebe tartý rásimi bolady. Osy jerebe boıynsha ótetin Respýblıkamyzdyń Ońtústik, Shyǵys, Batys jáne Soltústik aımaqtaryndaǵy jarystardyń saltanatty ashylýy ár merzimge belgilengen. Atap aıtqanda, 13-15 shilde kúnderi Shymkent qalasynda Ońtústik aımaq, 27-29 shilde kúnderi Aqtóbe qalasynda Batys aımaq, 13-15 tamyz kúnderi Pavlodar qalasynda Shyǵys aımaq, 17-19 tamyz kúnderi Astana qalasynda Soltústik aımaq jarystarynyń saltanatty ashylýy ótkiziledi. Sondaı-aq, kókpar, qazaq kúresi, toǵyzqumalaq, asyq atý sport túrleriniń irikteý básekelerin aımaqtyq óńirlerde, al, aýdaryspaq, jamby, teńge, báıge sport túrleriniń irikteý básekelerin Astanada ótkizý josparlanǵan. Aımaqtardaǵy irikteý jarystary 31 tamyzda márege jetedi. Elimizdegi 14 oblys, 3 qala komandalary arasynan úzdik shyqqan komandalar festıvaldiń II kezeńine ótedi. Astana qalasynda 11-16 qyrkúıek kúnderi aralyǵynda ótetin II kezeńge 250 jýyq sportshy qatysady dep kútilýde.