Mıhaıl Shvydkoı: Kóregen Kóshbasshy

Qurmetti Nursultan Ábishuly!

Sizdiń týǵan kúnińizdiń Astana qala­synyń 20 jyldyq mereı­toıymen tuspa-tus kelýi kez­deısoq oqıǵa emes. Siz jańa Qazaq­stannyń basty arhıtektoryna, ejelgi mekende bolashaqqa qa­ryshtap qadam basqan jańa qala salǵan tulǵaǵa aınaldyńyz. 

Otanyńyzda ómir súre­tin kópetnosty Qazaqstan halqy­nyń ar­man-tilegin tereńinen túsi­ne­tinińiz anyq. Osy bir túsinistik Sizdiń tarıhı bastamalaryńyzdy júzege asyrýǵa kómektesti. 1980-shi jyldardyń ortasynda Qazaq KSR-i Úkimetiniń Tóraǵasy re­tinde otandastaryńyzdyń senimine ıe bolyp, bedelińizdiń arqasynda respýblıkadaǵy azamattyq beı­bitshilikti saqtap qaldyńyz. Muny joǵary baǵalaǵan jerlesterińiz áýeli Sizdi Qazaq KSR-niń, keıin­nen Táýelsiz Qazaqstannyń Pre­zıdenti etip saılady. 

XX ǵasyrdyń 90-shy jyldary jańa memlekettiń qalyptasý kezeńinde Sizben tanysýdyń sáti túsken bolatyn. Sizdiń bedelińiz ortaq pikir ustanatyndardy jınap, Qazaqstannyń ekonomıkasy men áleý­mettik ómirinde tú­begeıli óz­geris­ter­ ja­saýǵa sep boldy. Sizge halyq sen­di já­ne sene beredi. Siz­diń stra­tegııalyq maq­sat­tardy kúnde­likti ómir­­diń qajettilik­terimen qatar qoıa­tyn kóregendigińizdi joǵary baǵa­laıdy. Siz halyqty ózińizge sendire alasyz jáne sońyńyzdan ertetin qabiletke ıesiz. Osy bir naǵyz kóshbasshyǵa tán qasıetińiz qazirgi Qazaqstandy qalyptastyryp, zamanaýı qala qurylysynyń jaqutyna aınalǵan, álemniń eń ádemi qalalarynyń biri – Astana shaharyn salýǵa jaǵdaı jasady. 

M.V.Lomonosov atyndaǵy Máskeý memlekettik ýnıver­sıte­tinde jasaǵan ataqty baıan­da­ma­ńyzda memleket­ter men ha­lyq­tardyń Eýrazııa­lyq eko­nomıkalyq odaǵyn qurý týraly bastama kótergenińiz áli esi­mizde. Búginde damýdyń osy ma­ńyzdy tujyrymdamasy shyn­dyqqa aınalyp, elderimizdiń ke­leshegin anyqtap keledi. Osy qoǵamdastyqtyń negizi retinde Qazaqstan men Reseıdiń odaǵy saıa­sı jáne ekonomıkalyq baı­lanystarmen ǵana emes, dos­tyqpen, rýhanı jáne týystyq qarym-qatynaspen be­­ki­­gen. Reseı Fede­ra­sııasynyń prezı­denti Vladımır Pýtın­men qarym-qatynasyńyz osyǵan dálel.

Astana qalasynyń mereıtoıy men Sizdiń týǵan kúnińizdi Qa­zaqstanda ǵana emes, Sizdi jáne Qazaqstan men halyqtarymyzdyń ıgiligi úshin atqarǵan qyzmetińizdi joǵary baǵalaıtyn Reseıde de atap ótedi. 

Sizge jáne barsha Qazaqstan hal­qyna gúldený, amandyq, baqytty ómir tileımin!

Mıhaıl ShVYDKOI, Reseı Federasııasy prezıdentiniń halyqaralyq mádenı qatynastar boıynsha arnaıy ókili