Aqtóbe oblysyna jumys sapary aıasynda Premer-Mınıstr Baqytjan Saǵyntaev birqatar ónerkásiptik jáne áleýmettik nysandardy aralady, olardyń mysalynda Indýstrııalyq-ınnovasııalyq damý memlekettik baǵdarlamasynyń iske asyrylýymen, Indýstrııa 4.0 elementterin engizýmen jáne densaýlyq saqtaý jáne sport ınfraqurylymdaryn jańǵyrtý sharalarymen tanysty.
Aqtóbe qalasynyń damýymen tanysý Indýstrııalyq-ınnovasııalyq damý memlekettik baǵdarlamasy aıasynda 2017 jyldyń sońynda iske asyrylǵan «Qazaqstan munaı jabdyqtary zaýyty» JShS nysanynda bastaldy.
Premer-Mınıstr sehte joǵary qysymda jumys isteıtin qondyrǵylardy ázirleýdiń jáne bloktyq-jıyntyqty jabdyqtardyń tehnologııalyq úderisimen tanysty.
Zaýytty aralaý barysynda «QMJZ» JShS dırektory A. Kashlaev zaýytta óndiriletin ónim sapasynyń paıyzy 96% asatynyn aıtty. Osylaısha, óndiris kólemi birinshi jarty jyldyqta jalpy somasy 3,6 mlrd teńgege shamamen 5 myń t qurady. Shyǵarylǵan qubyrlar uńǵymadan syrtqa gaz nemese suıyq flıýıdty tasymaldaýǵa, burǵylaý kezinde jáne olardy odan keıingi paıdalaný úshin munaı men gaz uńǵymalaryn bekitýge, sondaı-aq sýdy, paıdaly qazbalardy jáne t.b. izdeý kezinde uńǵymalardy burǵylaý úshin paıdalanylady. Sondaı-aq, bloktyq-jıyntyqty jabdyq jol men qurylys úshin bıtým jáne mazýt alýǵa, al qondyrǵylar uńǵymalardy burǵylaýǵa arnalǵan.
Budan ózge, B. Saǵyntaevqa kásiporyndy damytý perspektıvalary týraly baıandaldy. Sheteldik ınvestorlarmen birlese otyryp, jalpy ınvestısııalar kólemi 16 mlrd teńge bolatyn jáne 100 jańa jumys ornyn qurýmen «Kómirtek kúıesi óndirisi» jańa jobasyn júzege asyrý josparlanyp otyr. Jobanyń qýattylyǵy jylyna 50 myń t kúıeni quraıdy.
Zaýytty teksergennen keıin Aqtóbe oblysynyń ákimi B. Saparbaev «Aqtóbe» ındýstrııalyq aımaǵynyń aýmaǵynda júzege asyrylyp jatqan jobalar týraly, sondaı-aq óńirdiń ónerkásiptik kásiporyndaryn sıfrlandyrý jáne tehnologııalyq jańǵyrtý boıynsha júrgizilip jatqan jumystar týraly baıandady.
«Aqtóbe» ındýstrııalyq aımaǵy 200 ga aýmaqty qamtıdy. Búgingi tańda atalǵan alańnyń 60% ıgerildi. Búgingi tańda 14,8 mlrd teńge somasyna jeti joba qurylysy júrgizilip jatyr. Bıyl 29,4 mlrd teńge somasyna 508 jańa jumys ornyn ashýmen tórt jobany paıdalanýǵa berý josparlanǵan.
Oblys ákiminiń orynbasary S. Tólenbergenov óz kezeginde óńirdegi jol boıyndaǵy servısti damytý jáne avtojoldardy jóndeý josparyn júzege asyrý týraly baıandady. Osylaısha, Memleket basshysynyń jaqsy jáne qanaǵattanarlyq jaǵdaıdaǵy avtojoldardyń 90% úlesine 2022 jylǵa qaraı qol jetkizý jónindegi tapsyrmasyn oryndaý aıasynda jyl saıyn jol jóndeý jumystarynyń kólemi artyp keledi.
«Aqtóbe oblysynyń aýmaǵyndaǵy respýblıkalyq mańyzy bar avtokólik joldarynyń jelisi 1897 shaqyrymdy quraıdy. 2016 jyly 99 shaqyrym jóndeldi, 2017 jyly — 302 shaqyrym, bıyl jalpy somasy 35,7 mlrd teńgege 404 shaqyrym jol jóndeý josparlanǵan, al 2019 jyly 43,6 mlrd teńgege 452 km jóndeý boljanǵan», — dedi S. Tólenbergenov.
«QazAvtoJol» UK basqarma tóraǵasy E. Kızatov KazWay pavılon-servısiniń jumysyn tanystyrdy. Onyń aıtýynsha, bıyl Aqtóbe oblysynyń aýmaǵynda respýblıkalyq avtojoldar men «Batys Eýropa — Batys Qytaı» halyqaralyq tranzıttik dáliziniń boıynda uzyndyǵy 609 shaqyrym bolatyn osyǵan uqsas jeti pavılon ornatý josparlanyp otyr.
2018 jyldyń qańtar-maýsym aılarynda Aqtóbe oblysynda ónerkásip ónimderin shyǵarý kólemi 815,3 mlrd teńgeni qurady. 2017 j. tıisti kezeńimen salystyrǵanda naqty kólem ındeksi 105,1% qurady. О́ńdeý ónerkásibinde munaı óńdeý ónimderi, rezeńke jáne plastmassa buıymdary, metallýrgııa, daıyn metall buıymdarynyń óndirisi artty.
Aqtóbe oblysynda ekinshi besjyldyqta (2015–2019 jj.) Kásipkerlikti qoldaý kartalarymen ınvestısııalar kólemi 195 mlrd teńge bolatyn, 2,9 jumys ornyn qurýmen 23 ınvestısııalyq joba iske asyrylyp jatyr. Búgingi tańda 14 joba paıdalanýǵa berilgen, 1100 astam jumys oryndary qurylǵan. Bul ák, bekitý buıymdaryn, borlaıtyn sharlardy, sılıkat buıymdardy, metall konstrýksııalar men metall buıymdardy, makaron ónimderin, jaraqattanýdan qorǵaıtyn jabyndardy, sút ónimderin óndiretin jobalar, et kombınaty, quramynda hromy bar qaldyqtardy qaıta óńdeý, munaıgaz jabdyqtary jáne qubyrlar, shyny jýatyn suıyqtyqtar, antıfrızder, shaǵyn MО́Z, sonymen qatar úı qurylysy kombınaty.
Jumys sapary aıasynda Baqytjan Saǵyntaev sonymen qatar memlekettik-jekeshelik qaǵıdaty boıynsha iske asyrylǵan birqatar áleýmettik nysandardy: «Daru Zharygy» oftalmologııalyq ortalyǵyn, «Alǵashqy kómek» JShS ortalyq jedel jáne shuǵyl kómek stansııasyn, sonymen qatar Jekpe-Jek saraıyn aralady.
Medısınalyq uıymdardy aralaý kezinde densaýlyq saqtaý basqarmasynyń basshysy A.Qalıev Aqtóbe oblysynyń densaýlyq saqtaýdaǵy joǵary áleýetin tıimdi paıdalaný maqsatynda óńir turǵyndaryna kórsetiletin medısınalyq kómektiń sapasyn jaqsartý úshin densaýlyq saqtaý ınfraqurylymyn keshendi jańǵyrtý iske asyrylyp jatyr.
«Oblysta baýyr men búırek transplantasııasy (2 jyl ishinde 37 búırek aýystyrý jáne 12 baýyr aýystyrý otalary jasaldy), úlken býyndardy endoprotezdeý, endo-beınehırýgııalyq emdeý tásilderiniń keń aýqymy tárizdi biregeı emdeý tehnologııalary ıgerildi. Zamanaýı deńgeıdegi genetıkalyq zerthanasy bar Ekstrakorporaldi uryqtandyrý ortalyǵy ashyldy», — dedi A. Qalıev, ol sonymen qatar medısına klasterin damytýdyń budan keıingi josparlary týraly baıandady.
Aqtóbe oblysynda densaýlyq saqtaýdy qarjylandyrýǵa 8,5 mlrd teńge, densaýlyq saqtaý nysandaryn damytýǵa — 4,2 mlrd teńge, materıaldyq-tehnıkalyq bazany nyǵaıtýǵa — 1,9 mlrd teńge qarastyrylǵan.
Baqytjan Saǵyntaev «Daru Zharygy» zamanaýı oftalmologııalyq klınıkasynda boldy. Medısınalyq mekeme álemdik sapa jáne qaýipsizdik standarttaryna saı keletin AQSh, Shveısarııa, Germanııa, Japonııa elderiniń joǵary tehnologııalyq jabdyqtarymen jáne ınnovasııalyq tehnologııalarymen jaraqtalǵan.
Qazaqstanda jyl saıyn oftalmologtarǵa 1 mln jýyq adamnyń júginýi tirkeledi, onyń ishinde 400 myńy – birinshi rettik oftalmopatologııamen júgingen. Atalǵan máseleniń ózektiligi mańyzdy jobanyń iske asyrylýyna sebep boldy. Osylaısha, Ortalyq 2017 j. jeltoqsan aıynda paıdalanýǵa berildi, al bıylǵy jyldyń basynda kepildendirilgen tegin medısınalyq kómek kólemi mehanızmi arqyly emdelýshilerdi qabyldaı bastady. Ortalyqtyń stasıonary 60 tósek-orynǵa jáne kúnine 500 ret qabyldaýǵa shaqtalǵan.
Dıagnostıkalyq bólimdi aralaý kezinde Premer-Mınıstrge jańa sıfrlyq jobalar týraly baıandaldy. «Daru Zharygy» ortalyǵynyń dırektory Ǵ. Eleýov klınıka «Medelement» medısınalyq aqparattyq júıesimen jaraqtalǵanyn aıtty. Qazirgi kezde «Qamqor» júıeleri jáne «Damumed» mobıldi qosymshasy engizilip jatyr. MAJ ıntegrasııasy arqasynda dárigerler adamnyń densaýlyǵynyń tolyq jaı-kúıin baqylaı alady, aldyn-ala onlaın-tirkeýdiń arqasynda emhanalardaǵy kezekter azaıady. Emdelýshiler dárigerdiń keńesterin, reseptiler, eńbekke jaramsyzdyq paraǵyn, júrgizilgen zertteýler nátıjelerin úıden shyqpaı-aq ala alady.
Aqtóbe oblysy ákimdiginiń derekterine sáıkes, búgingi tańda medısınalyq aqparattyq júıelermen uıymdardyń 81% qamtylǵan. 2019 jyldyń sońyna deıin bul deńgeı 100% jetkiziledi. Sonymen qatar, óńirde a.j. 1 shildesinen bastap medısınalyq qujattamany qaǵazsyz júrgizýge kóshý jobasy engizilgen.
Jalpy Qazaqstanda a.j. birinshi jartyjyldyǵynyń qorytyndysy boıynsha medısınalyq aqparattyq júıelermen aýdandyq deńgeıge deıin densaýlyq saqtaý uıymdarynyń 96,7% qamtylǵan. Al Internet jelisine aýdandyq deńgeıge deıin densaýlyq saqtaý uıymdarynyń 100% qoly jetimdi. Densaýlyq saqtaý júıesin sıfrlandyrýdan kútiletin tıimdilikter: halyqtyń medısınalyq kómek sapasyna qanaǵattaný deńgeıi: 2018 — 44%, 2019 — 49%, 2020 — 55%, dárigerdiń qabyldaýyndaǵy ýaqyttyń qysqarýy 50-60%.
Densaýlyq saqtaý ınfraqurylymynyń damýymen tanysý «Alǵashqy kómek» JShS jedel jáne shuǵyl medısınalyq kómek qalalyq stansııasyn kórý barysynda jalǵasty. Joba túrik ınvestorlarmen birlesip MJÁ aıasynda iske asyrylǵan. Bıyl naýryzdan bastap Jedel medısınalyq kómek ortalyq stansııasy jumys isteı bastady, onyń qýattylyǵy jylyna 75000 shaqyrý jáne 28 sanıtarlyq avtomashınaǵa arnalǵan avtogarajy bar.
Aralaý kezinde Premer-Mınıstr jedel járdem stansııasynyń qurylymdyq bólimshelerin kórip, dıspetcher bóliminiń, call-ortalyqtyń, jedel járdem brıgadasynyń jumysymen tanysyp, mekemeniń qyzmetkerlerimen kezdesti.
Stansııa eń zamanaýı jabdyqtarmen jaraqtalǵanyn aıta ketý kerek. Oblys jurtshylyǵynan qońyraýlardy qabyldaý úshin «103» boıynsha 15 pýltke biryńǵaı call-ortalyq qurylǵan, qońyraýlar qabyldanǵan soń medısınalyq irikteýler júrgiziledi. Onlaın rejımde turǵyndardan kelip túsken qońyraýlardy «Alǵashqy kómek» JShS oqytylǵan mamandary qabyldap, qadaǵalaıdy. Ortalyq jedel medısınalyq járdem qyzmetterimen, IID, TJ, órt sóndirý qyzmeti, sanıtarlyq avıasııa organdarymen, apattar medısınasy óńirlik ortalyǵymen, shuǵyl jaǵdaılardaǵy naýqastardy qabyldaıtyn qaladaǵy AMSK jáne stasıonarlarymen jedel baılanys quraldarymen qamtamasyz etilgen, óńirdegi sanıtarlyq avtokólikke jerseriktik monıtorıng júrgizý úshin resýrstarmen jaraqtalǵan.
«Alǵashqy kómek» JShS dırektorynyń orynbasary G. Topchý biryńǵaı aqparattyq-taldamdyq call-ortalyq jumysymen qatar elektrondy shaqyrý kartasy engizilgenin jáne júginýdi qabyldaý kezinde geo-kodtaý prosedýrasy júrgiziletinin habarlady. Shaqyrtýlar jedel medısınalyq kómek júrgizýshisiniń GPS-navıgatorynda jáne dárigerdiń (feldsherdiń) planshetinde kórinedi. Búgingi tańda jelide táýlik boıy zamanaýı medısınalyq jabdyqtarmen jaraqtalǵan 16 reanımobıl, 2 dıagnostıkalyq avtomobıl jumys isteıdi, sondaı-aq shuǵyl medısınalyq kómek kórsetetin 16 avtomobıl bar.
«Reanımobıl barlyq qajetti apparatýramen jaraqtalǵan. Apparat defımonıtorelektrokardıogramma túsirýge arnalǵan. Eresekter men balalarǵa arnalǵan aýystyrylatyn bloktary bar», — dedi «Alǵashqy kómek» JShS dırektory B. Túrmetov.
2018 jylyń 6 aıynyń ishinde adamdar barlyǵy 177 472 ret júgingen. Jańa sıfrlyq tehnologııalar júrek-qantamyr júıesi aýrýlarymen syrqattanǵan naýqastarǵa qyzmet kórsetý sapasyn jaqsartýǵa, keshigip oryndalatyn shaqyrtýlar sanyn azaıtýǵa, sonymen qatar jol-kólik oqıǵasy oryn alǵan jerlerge ýaqytyly jetýge múmkindik beredi.
О́ńirdegi MJÁ jobalarymen tanysý aıasynda Baqytjan Saǵyntaev sonymen qatar respaýblıkalyq jáne halyqaralyq deńgeıdegi iri sporttyq jarystardy ótkizýge arnalǵan «Jekpe-jek saraıyn» baryp kórdi.
Dene shynyqtyrý jáne sport basqarmasynyń basshysy M. Mahambetov ǵımarat tuǵyrdaǵy túrli jınamaly-qurastyrmaly zamanaýı rıngtermen, kúresýge arnalǵan kilemdermen, tatamılermen jáne jattyǵýǵa arnalǵan basqa da sporttyq jabdyqtarmen jaraqtalǵanyn aıtty.
Oblys ákimdiginiń derekteri boıynsha densaýlyq saqtaýdy , mádenıet pen sportty damytýdyń memlekettik baǵdarlamalary aıasyndaǵy kóptegen jobalar memlekettik-jekeshelik áriptestik jáne bıznestiń áleýmettik jaýapkershiligi qaǵıdaty boıynsha iske asyrylyp jatyr. Búginde óńirde jalpy ınvestısııalar portfeli 43 mlrd teńge bolatyn 108 MJÁ jobalary júrgizilýde.
Aqtóbede MJÁ mehanızmi boıynsha Muz saraıy, Hokkeı modýli, Tennıs ortalyǵy jáne Jeńil atletıka maneji salynyp jatyr. Jastar arasynda sportty nasıhattaý jáne salaýatty ómir salty daǵdylaryn telý maqsatynda Aqtóbede 14 street workout alań men skeıt-park salynǵan. Oblysta 28 balalar men jasóspirimderge arnalǵan sport mektepteri bar, onyń ishinde 6-ýy — arnaıy mektep. Bul mektepterde 17 myńnan astam oqýshy 47 sport túri boıynsha jattyǵady.
Barlyǵy oblysta 1670 sport nysany bar. Onyń ishinde: 17 stadıon, sport saraıy, 14 sport kesheni, 981 sporttyq qurylymdar, 33 hokkeı jáne 28 tennıs korty, 6 shańǵy bazasy, 9 júzý basseıni, 544 sportzal jáne t.b. bar.
Eske salaıyq, Premer-Mınıstr Baqytjan Saǵyntaev Memleket basshysynyń tapsyrmasy boıynsha óńirlerde jumys saparyn jalǵastyrýda. Osyǵan deıin Atyraý, Qaraǵandy, Qostanaı, Qyzylorda, Mańǵystaý, Ońtústik Qazaqstan jáne Aqmola oblystarynda jumys saparlarymen boldy.