«Naýryz» baǵdarlamasyna qatysýshylardyń tizimi jarııalandy. «Otbasy banktiń» málimetinshe, 26 822 ótinishtiń ishinen 16 000 salymshy iriktelip, baǵdarlamaǵa qatysý múmkindigine ıe boldy, dep habarlaıdy Egemen.kz.
Iriktelgen azamattar 2026 jyldyń 6 sáýiri men 12 mamyry aralyǵynda nesıege ótinim berýi tıis. Eger ótinim maquldansa, qatysýshylarǵa 6 aı ishinde turǵyn úı tańdap, satyp alý múmkindigi beriledi.
Baǵdarlama «Otbasy banktiń» resmı saıtynda jarııalanǵan qorytyndylar negizinde júzege asady.
«Naýryz» baǵdarlamasy negizinen jastarǵa arnalǵan bastama. Qatysýshylardyń ortasha jasy – 32 jas. Olardyń basym bóligi otbasyly, balaly azamattar: 9 296 qatysýshynyń balasy bar, al 7 569-y nekede tur.
Sonymen qatar 8 690 adam turǵyn úı kezeginde tur, onyń ishinde 2 689 azamat áleýmettik osal toptarǵa jatady. Bul – baspanaǵa muqtaj, biraq ony óz betinshe alý múmkindigi shekteýli azamattar.
2 naýryzdan bastap «Otbasy bank» úı kezegindegilerge arnalǵan talaptardy ózgertedi
Baǵdarlamaǵa qatysýshylardyń negizgi ereksheligi – jınaqqa degen júıeli kózqaras. Ortasha eseppen ár salymshyda keminde 4,3 mln teńge jınaqtalǵan.
Eń joǵary nátıje kórsetken qatysýshy – almatylyq Janar Omarova. Ol 1 284,67 ball jınap, baǵdarlamaǵa ótken. Onyń aıtýynsha, tabysty bolýdyń kilti – qarjylyq tártip pen turaqtylyq:
«Aı saıyn 50 myń teńge turaqty túrde depozıtke aýdaryp otyrdym. Bir de bir ret toqtaǵan emespin. Dál osy ádet maqsatqa jetkizdi», deıdi ol.
Baǵdarlamadaǵy irikteý jınaqtalǵan ball júıesi arqyly júrgiziledi. Negizgi krıterııler:
depozıt boıynsha syıaqy – ár 1 000 teńgege 1 bal; nekede bolý – 5 ball; balanyń bolýy – 10 ball; áleýmettik osal topqa jatý – 10 ball; jasy 35-ke deıin – 5 ball.Mysaly, 1 mln teńge syıaqy – 1 000 ball. Bul júıe qatysýshylardy jınaqtaýǵa yntalandyrady jáne ádil irikteýdi qamtamasyz etedi.
Qatysýshylardyń bally avtomatty júıe arqyly esepteledi, al irikteý tek baǵdarlamaǵa ótinish bergender arasynda júrgiziledi.
«Otbasy bank»: 600 myńǵa jýyq adam memlekettik syıaqy aldy
Depozıtti erte bastap, ony jıi tolyqtyratyn salymshylardyń múmkindigi joǵary. Sebebi: syıaqy kólemi – negizgi ball kózi ári jınaq merzimi uzaq bolǵan saıyn nátıje joǵary.
«Naýryz» baǵdarlamasy aıasynda:
bastapqy jarna – 20%-dan bastap; mólsherleme – 7% jáne 9%; nesıe merzimi – 19 jylǵa deıin.7% mólsherleme – áleýmettik osal toptar men kezekte turǵandarǵa, al 9% – basqa azamattarǵa arnalǵan.
Baǵdarlama qatysýshylary:
Baspana market (otbasybank.kz) arqyly úı tańdaı alady; bastapqy naryqtaǵy turǵyn úıdi (úlestik qatysý, kepildikpen) satyp ala alady; keı jaǵdaıda ekinshi naryqtaǵy turǵyn úıge de múmkindik bar.Nesıe kólemi:
Almaty men Astanada – 36 mln teńgege deıin; óńirlerde – 30 mln teńgege deıin.«Otbasy bank» kelesi tásilderdi usynady:
«Otbasylyq paket» – otbasynyń birneshe múshesi birlese jınaqtaıdy; Depozıtti jıi tolyqtyrý – turaqty ári júıeli salym jasaý; Zeınetaqy qarajatyn paıdalaný – artyq qarajatty depozıtke aýdarý.«Naýryz» baǵdarlamasy júıeli jınaq pen qarjylyq tártipke negizdelgen tıimdi mehanızm ekenin kórsetti. 16 000 azamattyń baspanaǵa jaqyndaýy – memlekettik turǵyn úı saıasatynyń naqty nátıjesi. Endi olardyń basty mindeti – nesıe rásimdep, óz úıin tańdaý.
«Otbasy bank» gımnastshylardyń jattyǵý zalyn tartyp ala ma? Mınıstrlik túsinikteme berdi