Elimizdiń basym bóliginde sý tasqynynyń belsendi kezeńi aıtarlyqtaı báseńdedi, ahýal turaqty. Tótenshe jaǵdaılar mınıstrligi táýlik boıy monıtorıng júrgizip, barlyq óńirlerdegi jaǵdaıdy baqylaýda ustap otyr, dep jazady Egemen.kz.
1 naýryzdan bastap TJM janynan sý tasqynyna qarsy jedel shtab jumys istep keledi. Sonymen qatar ár óńirde azamattyq qorǵaý qyzmetteri men múddeli organdardyń is-qımylyn úılestiretin oblystyq shtabtar qurylǵan.
Qazirgi tańda eldiń ońtústik jáne batys óńirlerinde sý tasqynynyń belsendi kezeńi aıaqtalýǵa jaqyn, al negizgi qaýip Aqmola oblysynda tirkelip otyr.
Shóptikól bógetindegi qazirgi ahýal: Sabyndy aýylynda sý tasqyny qaýpi joıyldy
Sonymen qatar Soltústik Qazaqstan men Shyǵys Qazaqstan oblystary turaqty baqylaýda tur.
Sý tasqynynyń saldaryn boldyrmaý úshin keń kólemdi aldyn alý sharalary qolǵa alynǵan. Atap aıtqanda:
9 mln-nan astam tekshe metr qar shyǵaryldy; 1,3 mln-nan astam tekshe metr erigen sý soryldy; 79 myńnan astam qap jáne 103 myń tonna ınertti materıal tóseldi; 1,9 mln metrden astam aryqtar men kanaldar tazartyldy; 5 myńnan astam ýaqytsha bógender turǵyzyldy.Sonymen qatar 43 áýeden barlaý júrgizilip, 305 sý tasqyny qaýpi bar eldi meken tekserildi.
Sý tasqynynyń sharyqtaý shegi Aqmola óńirinde ótip jatyr. Qorǵaljyn aýdanyndaǵy Shóptikól bógetiniń ishinara buzylýy der kezinde qalpyna keltirildi, eldi mekenderge qaýip joq. Sondaı-aq Qalqutan ózenindegi sý deńgeıiniń kóterilýine baılanysty Eski Qalqutan aýylyna kireberis ýaqytsha jabyldy, biraq eldi mekenge qaýip joq.
Al Soltústik Qazaqstan oblysynda táýlik boıy monıtorıng júrgizilip jatyr.
28 myń qap daıyndaldy, 10 myń qap tóseldi; Esil ózeni boıyna 2 myń metr polıetılen tósemi tóseldi; Áýeden qar qory men sý nysandary tekserildi; Jaǵdaı tolyq baqylaýǵa alynǵan.Shyǵys Qazaqstan oblysynda TJM áskerı bólimderi sý tasqynyna qarsy jumystardy aıaqtady.
4,9 km aryq tazartyldy; 6 kópir, 2 kanal jáne 27 sý ótkizý nysany tazartyldy; 1220 qap ınertti materıal qoldanyldy.Qostanaı óńirinde sý tasqyny jaǵdaıy turaqty, sý deńgeıi qaýipti mejeden aspaıdy, sý basý faktileri tirkelmegen.
Abaı jáne Qaraǵandy oblystarynda sý tasqynynyń belsendi kezeńi aıaqtalyp, jaǵdaı turaqty. Abaı oblysynda qar jamylǵysy shamamen 8% ǵana, ózender shtattyq rejımde.
Sý tasqyny: Qazaqstannyń birneshe óńirinde tasjoldardy sý basty
Sý tasqynymen kúreske 700-den astam adam, 227 tehnıka, 40 motopompa jáne 5 júzý quraly jumyldyrylǵan. Sonymen qatar áskerı bólimder Soltústik Qazaqstandaǵy qaýipti ýchaskelerde shoǵyrlanǵan.
Qazirgi tańda eldegi sý tasqyny jaǵdaıy turaqty baqylaýda, negizgi qaýipter azaıtylǵan. Degenmen gıdrologııalyq monıtorıng táýlik boıy jalǵasýda, al barlyq qyzmetterdiń jumysy kúsheıtilgen rejımde júrgizilip jatyr.