Qaraǵandy oblysynda qoǵamdyq qaýipsizdikti qamtamasyz etý, quqyqbuzýshylyqtardyń aldyn alý jáne joldaǵy tártipti saqtaý baǵytynda júıeli profılaktıkalyq jumystar kún saıyn júrgizilip jatyr. Polısııa qyzmetiniń negizgi ustanymy – jazalaý emes, quqyqtyq mádenıetti qalyptastyrý jáne azamattardyń jaýapkershiligin arttyrý, dep habarlaıdy Egemen.kz.
Qaraǵandy oblysy Polısııa departamentiniń bastyǵy Negmet Ismaǵulov atap ótkendeı, negizgi mindetterdiń qatarynda quqyq buzýshylyqtyń aldyn alý, halyqpen túsindirý jumystaryn júrgizý jáne azamattarǵa jedel kómek kórsetý bar.
Polıseılerdiń jumysy tek baqylaýmen shektelmeıdi. Olar qajet jaǵdaıda alǵashqy kómek kórsetip, adamdardyń ómirin saqtap qalýǵa da atsalysady.
Qaraǵandy oblysynda jol apatynan 3 adam kóz jumdy
Máselen, «DK Gornıakov» aıaldamasy mańynda patrýl kezinde polısııa qyzmetkerleri ózin jaısyz sezingen qyzǵa jedel alǵashqy medısınalyq kómek kórsetip, ony aýrýhanaǵa jetkizdi. Bul – quqyq qorǵaý qyzmetiniń tek tártip saqtaýmen ǵana emes, naqty kómek kórsetýmen de aınalysatynyn kórsetedi.
Kúndelikti nusqamalarda jol qozǵalysy qaýipsizdigine erekshe nazar aýdarylady. Atap aıtqanda mynadaı quqyq buzýshylyqtar erekshe baqylaýda tur.
mas kúıinde kólik júrgizý; jalǵan memlekettik nómir qoldaný; joldaǵy qaýipti burylystar.Reıd barysynda Balqash qalasynda jalǵan nómir taǵylǵan Nissan kóligi anyqtalyp, toqtatyldy. Kólikti basqarǵan 32 jastaǵy azamattan qoldan jasalǵan pyshaq tárkilenip, qylmystyq is qozǵaldy.
Sondaı-aq, Volkswagen Passat kóliginiń 22 jastaǵy júrgizýshisi kólikke zańsyz qyzyl jáne kók jaryq qurylǵylaryn ornatqany úshin jaýapkershilikke tartyldy, al kólik arnaıy aıyp turaǵyna qoıyldy.
Qaraǵandy oblysynda 13 jastaǵy jasóspirim iz-tússiz joǵalyp ketti
Jalpy, oblys polıseıleri kún saıyn shamamen 2000-ǵa jýyq ákimshilik quqyq buzýshylyqtyń aldyn alady. Sońǵy táýlikte anyqtalǵan faktiler:
2 júrgizýshi mas kúıinde kólik basqarǵan; 5 adam júrgizý quqyǵynan aıyrylǵan kúıde rólge otyrǵan; 5 jaǵdaıda jalǵan nómir qoldanylǵan; 7 júrgizýshi qarsy jolaqqa shyqqan.Bul derekter quqyq buzýshylyqtardyń der kezinde anyqtalyp, olardyń aýyr saldarynyń aldyn alýǵa múmkindik berip otyrǵanyn kórsetedi.
Qaraǵandy oblysynyń polısııasy kúsheıtilgen rejımde jumys istep, azamattardyń qaýipsizdigin qamtamasyz etip otyr.
Negizgi maqsat – quqyqbuzýshylyqtyń aldyn alý, adam ómiri men densaýlyǵyn qorǵaý jáne kez kelgen jaǵdaıda turǵyndarǵa der kezinde kómek kórsetý.
Qaraǵandy oblysynda 50 jumysshy mingen avtobýs aýdaryldy