«Shahter» fýtbol klýby men Qaraǵandy oblystyq fýtbol qaýymdastyǵy Astana qalasynyń 20 jyldyǵy men otandyq komandalardyń eýrokýbok maýsymyn bastaý qurmetine arnalǵan arnaıy sporttyq is-shara ótkizdi.
Buqaralyq shara Qaraǵandy qalasynyń «Shahter» stadıonynda ótti. 2,5 shaqyrymǵa sozylǵan prezıdenttik júgirýge «Shahter» klýbynyń atqarýshy dırektory Álibek Orazǵalıev, dırektordyń orynbasary Nurǵazy Jarylǵapov, sport dırektory Murat Tileshev, bas bapkerdiń mindetin atqarýshy Andreı Fınonchenko, qaqpashylardyń jattyqtyrýshysy Valerıı Sıtalo, «Shahter-Bolat», «Shahter-M», «Shahter-QarGÝ» komandalarynyń oıynshylary, «Shahter» fýtbol ortalyǵynyń jattyqtyrýshylary men tárbıelenýshileri, Qaraǵandy oblystyq fýtbol qaýymdastyǵynyń tóreshileri qatysty.
- Qazaqstan fýtbol federasııasy bastaǵan aksııany Qaraǵandy óńiri qoldap otyr. Dál osyndaı sharalar el fýtbolynyń janashyrlarynyń basyn biriktiredi. Otandyq klýbtar eýrokýbok maýsymyn sátti bastady. «Astana», «Qaırat», «Tobyl» komandalary jeńiske jetip, «Ertis» teń oınady. Osy júristen jańylmaı, jeńis jolyn jalǵastyrady dep senemiz. Halyqaralyq arenada el namysyn qorǵaıtyn komandalarǵa barshamyz qoldaý kórsetýimiz kerek. Sol sebepti osy sharany ári qaraı jalǵastyrý úshin Syr óńirinen «Qaısar» fýtbol klýbynyń ujymyn shaqyramyn! Ult densaýlyǵy – el baılyǵy! Alǵa, Qazaqstan! Alǵa, fýtbol, - dedi «Shahter» klýbynyń atqarýshy dırektory Álibek Orazǵalıev.