Keshe Ortalyq kommýnıkasııalar qyzmetiniń kóshpeli baspasóz konferensııasynda «Qalalyq orta: Aqyldy aımaq» ınnovasııalyq baıqaýynyń jeńimpazdary anyqtaldy.
«Astana Innovations» AQ basqarma tóraǵasy Oljas Sartaevtyń málimdeýinshe, baıqaýǵa qatysýshylar úsh kún ishinde ınnovasııalar, ýrbandalý jáne «jasyl» tehnologııalar baǵyttary boıynsha jobalar usynǵan. Onyń ishinde «Aqyldy aýdan» taqyryby boıynsha jeńimpaz atanǵan top óz jobalaryn is júzinde júzege asyrýǵa múmkindik alyp otyr.
Baıqaý qorytyndysy boıynsha bas júldeni «Sredalab» komandasy ıelendi. Olar qysqa jylyjaılar qurýdyń mańyzdylyǵyna toqtalsa, júldeli birinshi orynǵa ıe bolǵan «Nurcelona» toby kólik turaqtaryna arnalǵan AirBnB uqsas júıeni qurý arqyly kózge tústi. Ekinshi oryndy – «RainTech» komandasy aldy. Olar qalalyq drenajdyq júıeni qurýdy usynyp otyr. Múmkindikteri shekteýli jandarǵa arnaıy IT mektep ashýdy usynǵan «IT tehnologııalar mektebi» toby úshinshi orynǵa ıe boldy. Sonymen qatar qala ákiminiń arnaıy júldesimen «King Win» toby marapattaldy. Baıqaýdyń jalpy júlde qory 3 300 000 teńgeni qurady. Aıta keterligi, qatysýshylardyń jumystaryn sheteldik sarapshylar men ınvestorlar jáne memlekettik qyzmetkerler baǵalady. Atalǵan baıqaý halyqaralyq sáýletshiler kongresi aıasynda ótip otyr.
Erkejan AITQAZY, «Egemen Qazaqstan»