Táýelsizdik toıyna yqylasty quttyqtaýlar men izgi tilekter

 

Qazaqstan Respýblıkasynyń Prezıdenti Nursultan Nazarbaevtyń aty­­­na memleket, Úki­­­­­met basshylarynan, halyq­ara­lyq uıym­dar­dyń jetekshilerinen Qazaq­stan Res­pýb­lıkasy Táý­elsizdiginiń 20 jyl­dyǵyna baı­la­nysty kelip túsip jatqan quttyq­taý­lar ­jalǵasýda. Abdýlla GÚL, Túrkııa  Prezıdenti. Qazaqstan Respýblıkasynyń Prezıdenti, Joǵary Mártebeli Nursultan NAZARBAEV myrzaǵa Qurmetti Prezıdent, qymbatty baýyrym! Joǵary Mártebeli Sizdi jáne baýyrlas Qazaqstan halqyn dos jáne baýyrlas el – Qa­zaqstan Respýblıkasy Táýelsizdiginiń 20 jyl­dyq mereıtoıymen jeke ózimniń jáne túrik hal­qynyń atynan shyn júrekten quttyqtaımyn! Baýyrlas Qazaqstannyń, táýelsizdigin alǵa­ly beri ótken 20 jyldyq merzimde Asa Már­tebeli Sizdiń kóregen jetekshiligińiz arqasynda egemendigin nyǵaıtyp, ekonomıkasyn kúsheıtýi­ne jáne halyqaralyq qaýymdastyqtyń bedeldi múshesine aınalýyna qýana-qýana kýá boldyq. Bul jetistikterdi maqtan tutamyz. Qazaqstanmen aramyzdaǵy ortaq til, tarıh, mádenıet jáne qundylyqtardan qýat alatyn baılanystarymyzdyń barlyq salada joǵary deńgeıge kóterilýi biz úshin úlken qýanysh. Strategııalyq áriptestik dárejesine jetken ekijaqty qarym-qatynasymyzdyń aldymyz­da­ǵy kezeńderde de ózara múddeler negizinde odan ári arta túsetinine nyq senimdimin. Osy sátti paıdalanyp, Joǵary Mártebeli Siz­­ge densaýlyq pen baqyt, dos jáne baýyrlas Qa­­zaq­stan halqyna amandyq jáne gúldený tileımin.   Mıshlın KALMI-REI, Shveısarııa Konfederasııa-synyń Prezıdenti. Joǵary Mártebeli Prezıdent! Sizdi, Qazaqstan Úki­meti men halqyn Qa­­zaqstan Respýb­lıka­sy­nyń Táýelsizdigine 20 jyl tolýyna oraı Shveısarııa Federaldy Ke­ńesiniń atynan quttyqtaı kelip, Sizdiń elińizdiń órkendep, damýyna tilektestigimdi bildiremin. Biz eki el arasyndaǵy sońǵy jyldary qa­lyptasyp, nyǵaıǵan dostyq baılanysty baǵa­laı­myz. Bizdiń elderdiń joǵary deńgeıdegi kezdesýleri dostyq qarym-qatynasymyzdyń laı­yq­­ty damýyna úlken serpin beretinine senimdimin. Qazaqstan Respýblıkasy men Shveısarııa Kon­federasııasy arasyndaǵy dostyq jáne yntymaq­tas­tyqtyń bolashaqta da nyǵaıatynyna senimim mol.   Redjep Taıyp ERDOǴAN, Túrik Respýblıkasynyń Premer-mınıstri. Qazaqstan Respýblıkasynyń Prezıdenti, Joǵary Mártebeli Nursultan NAZARBAEV myrzaǵa Qurmetti Prezıdent, qadirli baýyrym! Sizdi jáne baýyrlas Qazaqstan halqyn baý­yrlas el – Qazaqstan Respýblıkasy Táýelsiz­diginiń 20 jyldyq mereıtoıymen jeke ózimniń, úkimetimniń jáne túrik halqynyń atynan shyn kóńilden quttyqtaımyn! Táýelsizdigin alǵan sátten beri ótken merzimde Sizdiń kóregen jetekshiligińizben barlyq salada eleýli jetistikterge qol jetkizgen, ha­lyq­ara­­­lyq qaýymdastyqtyń bedeldi múshesine aı­nalǵan jáne ekonomıkalyq jáne saıası turaq­ty­lyǵymen Ortalyq Azııa aımaǵynda jetekshi el dárejesine jetken Qazaqstannyń gúldený jo­lyn­­daǵy ynta-jigerleri arta túsetinine nyq senimdimin. Túrkııa halyqtarymyz arasyndaǵy ortaq tarıh, mádenıet jáne tilden kúsh alyp, stra­tegııa­lyq deńgeıine kóterilgen qarym-qatynasta­ry­myz­dyń baýyrlastyq negizinde barlyq salada odan ári nyǵaıa túsýine úlken mán beredi. Siz jetekshilik etip otyrǵan baýyrlas Qazaqstanda da dál osyn­daı saıası erik-jigerdi kórý bizdi qýantýda. Osy múmkindikti paıdalanyp, Sizge densaý­lyq pen baqyt, baýyrlas Qazaqstan halqyna amandyq jáne gúldený tileımin.   Andrıs BERZINSh, Latvııa Respýblıkasynyń Prezıdenti. Qazaqstan Respýblıkasynyń Prezıdenti, Joǵary Mártebeli Nursultan NAZARBAEV myrzaǵa Qazaqstan Respýb­­lı­kasy Táýelsizdiginiń 20 jyldyǵyna oraı ózim­niń shyn júrekten shyqqan quttyqtaýymdy bildirýge, sondaı-aq Sizdiń elińiz ben hal­qy­ńyzǵa beıbitshilik pen ál-aýqat tileýge ruqsat etińiz. Men bizdiń elderimizdiń arasyndaǵy dostyq jáne syndarly baılanystardy árqashanda qýa­na qoldaımyn. Latvııa men Qazaqstannyń bolashaqta da ózara múddelestik týǵyzatyn túrli salalardaǵy qyzmettestikti nyǵaıta beretinine, sol arqyly ózara túsinistik pen dostyqqa jaǵdaı týǵy­zy­latynyna senimim mol. Joǵary Mártebeli, asa Joǵary qurmetke degen  senimdi qabyl alyńyz.   Lamberto ZANNER, Eýropadaǵy qaýipsizdik jáne yntymaqtastyq uıymynyń Bas hatshysy. Joǵary mártebeli Prezıdent! Qazaqstan Táýelsiz­diginiń 20 jyldyǵymen Sizdi shyn júrekten quttyqtaımyn. Osy múmkindikti paıdalana otyryp, Sizge Qazaqstan halqynyń órkendeýi men tabysqa jetýine jeke tilektestigimdi de jetkizgim keledi. О́z memlekettiliginiń 20 jyly boıynda Qa­zaqstan saıası, ekonomıka jáne áleýmettik damýda aıtarlyqtaı jetistikterge qol jetkizdi. Qa­zaq­stan EQYU-daǵy yntymaqtas­tyq­­­­ty 10 jyl­daı belsendi júrgizip keledi jáne demo­kra­tııa­lyq ınstıtýttardy qurýǵa erekshe atsalysýda. Prezıdent myrza, EQYU Is basyndaǵy tór­aǵalyǵyn jemisti atqarý jónindegi oqıǵamen jáne Astana Sammıttiń tabysty ótkizilýine oraı Qazaqstandy jeke quttyqtaý men úshin úlken mártebe. Ústimizdegi jyly biz sondaı-aq EQYU Úshtiginiń múshesi retinde Qazaqstanmen jumys isteý mártebesine ıe bolyp otyrmyz, ási­rese, Lıtvalyq Is basyndaǵy tóraǵa Uıym men Aýǵanstan yntymaqtastyǵyn ári qaraı ny­ǵaıtý jónindegi qazaqstandyq bastamany júzege asy­rýdy jalǵastyryp keledi. О́zińizge belgili, Uıymnyń bastapqy núk­­­tesi irgeli erkindik pen demokratııalyq úkimet, zań ústemdigin qamtamasyz etý men energe­tı­ka­lyq qaýipsizdik, ekonomıka men ekologııa sala­syn­da­ǵy oıly basqarý, memleketter ara­­­­­syn­da­ǵy saıa­sı-áskerı yntymaqtastyq jáne qaýip­siz­dik má­selelerindegi tolymdy amaldar 56 múshe-mem­leketter arasyndaǵy kelisim bo­lyp tabylady. Qaýipsizdik máselelerindegi osynaý aýqymdy kózqaras EQYU-nyń berik bolyp qala berýine múmkindik beredi. Mundaı qadam Astana Me­reıtoılyq Deklarasııasyn qabyldaýǵa ulasqan 2010 jylǵy Sammıt barysynda barlyq 56 múshe-memleketter tarapynan quptalǵandyǵyn qosa aıtqym keledi. Prezıdent myrza, EQYU atqarýshy qury­lym­dary men Qazaqstan arasyndaǵy uzaq merzimdi yntymaqtastyq úshin alǵysymdy jetkizgim keledi. 2010 jyldyń 3 sáýirinde О́zińiz qa­ı­ta saılanǵannan keıin Siz Uıymǵa múshe elder maquldaǵan sot bıligi jáne zań shyǵarý sala­syn­da reforma jasaımyn dep málimdegen bola­tynsyz. Saıası reformalardy júzege asyrý sa­la­synda EQYU-nyń Astanadaǵy Ortalyǵy Qa­zaqstanǵa ári qaraı da uzaq merzimdi qoldaý kór­se­týge daıyn ekendigine О́zińizdi sendirgim keledi. Ortaq órshil maqsatqa jetýde birlese jumys isteýge EQYU daıyn ekendigin atap ótýge ruqsat etińiz. Joǵary Mártebeli Prezıdent, Sizge degen eń joǵary senimimdi qabyldaýyńyzdy suraı­myn.