Almatyda jańa joǵary tehnologııaly medısına ortalyǵy ashyldy.
Halyqtyń ómir súrý uzaqtyǵynyń artýyna jáne tehnologııalardyń damýyna baılanysty medısınalyq qyzmetterdi tutyný kólemi artyp kele jatyr. Máselen, Qazaqstan Respýblıkasynyń Prezıdenti N.Nazarbaev el halqyna «Qazaqstannyń úshinshi jańǵyrýy: jahandyq básekege qabilettilik» atty Joldaýynda bıznesti retteýsizdendirý boıynsha júıeli sharalar qabyldaýdy tapsyrdy. Maqsaty – jeke qyzmet kórsetý sektorlaryn, onyń ishinde medısına salasynda da damytý.
О́tken jyly Úkimet densaýlyq saqtaý júıesin retteýsizdendirý boıynsha úlken jumystar atqardy. Bıznes úshin kedergilerdi qysqartý nátıjesinde jeke usynýshylardan medısınalyq qyzmetterdi satyp alý úlesi 2017 jylǵy 8%-dan 2018 jyly 13 %-ǵa deıin artqany belgili. О́tken jyly densaýlyq saqtaý salasyna salynǵan ınvestısııalar kólemi 50% artyp, 91,4 mlrd. teńgeni qurady. Jeke ınvestısııalar úlesi 2016 jylǵy deńgeıge shaqqanda 90% (23,3 mlrd teńgeden 44,2 mlrd. teńgege deıin) artty.
Búginde Almatyda ońtústikkoreıalyq ambýlatorlyq klınıka iske qosyldy. Bul Ortalyq Azııa aýmaǵyndaǵy tolyǵymen sheteldik ınvestısııalar esebinen iske asyrylǵan alǵashqy medısınalyq mekeme ekenin atap ótken mańyzdy.
Emhanada tıimdi ota jasaý júıeleri men Koreıadan jetkizilgen ozyq dıagnostıkalyq tehnologııalar beıimdendirilgen. Sonymen qatar, Sıngapýr tehnologııalary da paıdalanylady.
«Tıimdiligi az jáne memleket úshin shyǵyny kóp dıspanserlik em qoldanýdan negizgi sozylmaly aýrýlarǵa alystan dıagnostıka jasap, sondaı-aq osy salany ambýlatorlyq emdeý arqyly basqarýǵa kóshý qajet. Bul tájirıbe álemde burynnan bar. Ony batyl ári belsendi túrde engizý kerek. Onkologııalyq aýrýlarmen kúresý úshin keshendi jospar qabyldap, ǵylymı onkologııalyq ortalyq qurý qajet. Halyqaralyq ozyq tájirıbe negizinde aýrýdy erte dıagnostıkalaýdyń jáne qaterli isikti emdeýdiń joǵary tıimdiligi qamtamasyz etilýge tıis», delingen Prezıdenttiń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Joldaýynda.
Osyǵan baılanysty, obyr skrınıngin iske asyrý úshin Seýl ulttyq ýnıversıteti janyndaǵy BIOiNFRA ǵylymı bıologııalyq kompanııasy obyrdy anyqtaý prosesine tolyqqandy tehnıkalyq qoldaýdy qamtamasyz etetin bolady.
(POCT MDx) One Biomed molekýlalyq dıagnostıkasyna negizdelgen genetıkalyq jáne juqpaly aýrýlarǵa zertteýler júrgizý úshin sıngapýrlyq kompanııa tehnıkalyq seriktes bolady. Sonymen qatar, klınıka Koreıadaǵy jetekshi zerthanalardyń biri Seegene Medical Foundation ınvestısııalaryn tartyp, Qazaqstanda ortalyqtandyrylǵan zerthanalyq jelini qurý isimen aınalysatyn bolady.
MPKQAZ Qazaqstanda medısınalyq kompanııalar tobyn qurýǵa nıetti, onda operasııalyq menedjmentti koreıalyq medısına mamandary júrgizetin bolady. Emhana pasıentterge júıeli jáne qolaıly qyzmet kórsetýdi qamtamasyz etip qana qoımaı, koreıalyq dárigerlerdiń kómegimen jan-jaqty júıeli sapa baqylaýy júrgizedi.
MPKQAZ bas dırektory professor Ǵalymjan Toǵyzbaev klınıka Qazaqstan men Koreıanyń naqty yntymaqtastyǵynyń, atap aıtqanda, «blood mix» mysaly bolyp otyrǵanyn aıtty. 5 jyldan soń Medical Partners Korea Qazaqstan emhanasy Qazaqstandaǵy alǵashqy sheteldik medısınalyq klınıka retinde Koreıa qor naryǵy qatysýshylarynyń qaýymdastyǵyna (KOSDAQ) kirýdi josparlap otyr.
«MPKQAZ Koreıanyń ozyq medısınalyq tehnologııalaryn jáne qyzmet kórsetý salasyndaǵy baı tájirıbesin qoldanýmen pasıentterge qyzmet kórsetý júıesi men kópulttyq medısınalyq operasııa júıesin qurýǵa ázir», - dedi medısınalyq dırektor, kardıolog-dáriger Hısýk Mın.
Aıta keteıik, «Medical Partners Korea Qazaqstan» JShS (MPK QAZ) qazaqstandyq ınvestorlar Medical Partners Korea (MPK) Koreıanyń densaýlyq saqtaý salasyndaǵy halyqaralyq kompanııasymen birlesip qurǵan. Bas keńsesi Sıngapýrde ornalasqan.
Emdeý ádistemesi koreılik jáne sıngapýrlyq tehnologııalarǵa negizdelgen. Klınıka Almatydaǵy bıznes ortalyqtardyń birinde ornalasqan. Qazaqstandyq pasıentterdi eń úzdik koreılik mamandar eń zamanaýı jabdyqtardy qoldanýmen 13 baǵyt boıynsha qabyldaıtyn bolady. Klınıkada sonymen qatar koreılik dástúrli medısına mamandary da jumys isteıdi. Mekemede rentgen apparat, General Electric Co. ýltradybystyq skanerleri, joǵary bilikti EKG apparat, LOR-kombaın, Aklıdes jáne basqa da jabdyqtar jumys isteıdi.