Jarty jyldyq qorytyndy boıynsha óńirdiń áleýmettik-ekonomıkalyq damýy turaqty damýda. Oblys ákiminiń aıtýynsha, jalpy óńirdegi ónim óndirý kólemi 3,3 paıyzǵa artqan. Bıyl ónim kólemin 2,5 trıllıon teńgege deıin arttyrý josparlanýda.
Oblys kásiporyndary óndiristik jańartý, jańǵyrtý sharalary boıynsha 21 jobany júzege asyrýda. Jyldyń sońyna deıin jalpy ınvestısııa kólemi 96 mlrd. teńgeni quraıtyn 6 joba iske qosylady.
Bul kúnderi «Pavlodar» ekonomıkalyq aımaǵynda alıýmınıı klasterin órkendetý jolynda 2 kásiporny jumys jasaýda.
О́z sózinde Bolat Baqaýov ınvestorlardy qoldaý qajettiligin jáne oblysqa 160 mlrd. ınvestısııa tartylǵanyn aıtyp ótti. Aýyl sharýashylyǵy salasy, mal sharýashylyǵyn damytý úshin 5 taýarly sút fermasyn, 18 qaıta óńdeý nysandary, 3 azyqtandyrý alańyn paıdalanýǵa berý josparlanýda.
Oblys ortalyǵynda 2000 ga jer ýchaskelerin qamtıtyn ınfraqurylym júıeleri kórsetilgen elektrondy karta jasalýda.
Al, «Nurly jol» baǵdarlamasyn júzege asyrý úshin 9,6 mlrd. teńge bólingen. Baıanaýylǵa deıingi 206 shaqyrym jol jóndelýde.
Biraq, aýyldarǵa áli sý jetpeı tur. Bul jaıynda jýyrda oblysqa jumys saparymen kelgende Elbasy da aıtyp ótti.
Úkimettiń qoldaýymen ótken jyly 365 shaqyrym sý jelisi tartylsa, bıyl 270 shaqyrymy tartylmaq. Bul kúnderi 41 aýylda jalpy quny 13,1 mlrd. teńgeni quraıtyn 37 joba júzege asyrylýda. О́tken jyly Ertis aýdany, Belovod toptyq sý qubyrlarynyń 1-inshi kezeńi paıdalanýǵa berildi. Qazir aýyldarynda aýylishilik jeliler salyna bastady. Maı aýdanynda toptyq sý qubyrlary jelisinde magıstraldi qubyr jelisi men tazartý stansalaryn salý qajet.
Oblys ákiminiń óz esebinde 300 myń sharshy metr turǵyn úı paıdalanýǵa beriletinin aıtty. Eseptiń aty esep. Biraq, jobalar sózben emes, oryndalýymen mańyzdy. «Nurly jer» baǵdarlamasy boıynsha 252 turǵyn páter aldy. Jyldyń sońyna deıin 1009 páter beriledi. Búgingi kúni turǵyn úılerdiń qurylysy «Saryarqa» aýdanynda qarqyndy júrip jatyr. Jyldyń aıaǵyna deıin bul aýdanda 9 úı paıdalanýǵa beriledi.
Farıda BYQAI
«Egemen Qazaqstan»
PAVLODAR
Sýretti túsirgen: Valerıı Býgaev