«QTJ» UK» AQ jetekshisi Qanat Alpysbaev pen PSA International kompanııasynyń bas dırektory Tan Chong Men Lıanıýngan porty arqyly Ortalyq Azııa, Koreıa, Japonııa jáne Ońtústik-Shyǵys Azııa elderi arasynda tasymaldy uıymdastyrý boıynsha áriptestikti damytý máselesin talqylady.
Kezdesýde Ońtústik-Shyǵys Azııa, Qazaqstan jáne Eýropa arasyndaǵy baǵdarlar paıdalaný arqyly jańa logıstıkalyq sheshimder qurý múmkindikteri qaraldy.
Taraptar sonymen qatar Transkaspıı halyqaralyq kóliktik baǵdaryn damytý boıynsha jospardy talqylady jáne Qazaqstannan Túrkııadaǵy, Batys jáne Ońtústik Eýropadaǵy PSA termınal baǵyttaryna tasymaldy jaqsartý jaıyn sóz etti.
PSA International delegasııasy Qazaqstanǵa sapary barysynda «Qorǵas – Shyǵys qaqpasy» AEA-nyń kóliktik-logıstıkalyq múmkindikterimen tanysty.
PSA International álemdegi eń iri ǵalamdyq porttar men termınaldar toptarynyń biri bolyp tabylady. Kompanııa Azııa elderi, Eýropa, Soltústik jáne Ońtústik Amerıkanyń porttyq jobalaryna qatysady jáne kópmaqsatty termınaldyq qyzmetterdi qosqanda konteınerlik jáne termınaldyq servıs usynady.