Búgin Astanadaǵy «Tarlan-Arena» sport kesheninde shaǵyn fýtboldan jýrnalıster arasyndaǵy «BAQ league» týrnıriniń tórtinshi maýsymy bastaldy.
О́tken maýsymnyń qorytyndysy boıynsha Jýrnalıster birinshiligi eki lıgaǵa bólingen. Árqaısysynda jeti komandadan. Sondaı-aq, jazǵy maýsymda Jýrnalıster kýbogy da qatar ótedi. Oǵan qos Lıganyń da komandalarynyń talasýǵa quqyqtary bar.
«Bıylǵy týrnırdi eki lıgaǵa bólýimizdiń sebebi, aǵa býyndaǵy BAQ ókilderi jasyl alańda jastarmen taıtalasa almaıtyndyqtan «V» lıgasynda emen-jarqyn dop tepsin dep uıǵardyq. Al «A» lıgasynda jas jáne eń myqty jýrnalısterden quralǵan komandalar chempıondyq ataq úshin baq synaıdy», dedi BAQ league jobasynyń jetekshisi Ázız Jumadil.
Sondaı-aq ár maýsym saıyn joba ózindik erekshelikterimen daralanyp turady. Bıylǵy maýsymnyń ereksheligi – «Baqosh» dep atalatyn maskottyń paıda bolýy. «Baqosh ózi fýtbolǵa qyzyǵatyn, fýtboldy jany súıetin jáne únemi kóńildi júretin ádemi balaqaı», deıdi Á.Jumadil.
«BAQ league» týrnıriniń tórtinshi maýsymynyń «A» lıgasynda «Egemen Qazaqstan», «Habar», SAI, «Qazmedıa», «Sport 59», DIAP «Qazaqstan» jáne «Asyl Arna» ujymy dop tebedi. Al «V» lıgasynda «Qazaqstan», «Habar 24», «Eýrazııa-ORT», «Elorda aqparat», QMDB baspasóz qyzmeti, «Sportinform.kz» jáne «Qalgemer» komandasy baq synaıdy.
Aıta keteıik, «Egemen Qazaqstan» gazetiniń ujymy «BAQ league» týrnırine bıyl tórtinshi ret qatysyp jatyr.