Arbadaǵy bıden Qazaqstan kýbogi úshin týrnırine bıshiler Almatydan, Oraldan, Pavlodardan, Ekibastuz ben Qapshaǵaıdan keldi. Oblystaǵy Qostanaı men Rýdnyı qalalarynyń bıshileri de syrt qalǵan joq.
Bul úlken sharany Mádenıet jáne sport mınıstrliginiń Sport jáne deneshynyqtyrý isi jónindegi komıteti, respýblıkalyq sport bıi federasııalarynyń qaýymdastyǵy, «Alma-ata» áıelder klýby, Qostanaıdaǵy «Úmit-Nadejda» qoǵamdyq birlestigi uıymdastyrdy. Qostanaılyq Arýna Jaqsyǵulova men Dúısenǵalı Ospanov osy arbadaǵy bıdiń respýblıkada irgetasyn qalaǵan bolatyn. Osy jerde Sporttyq bı federasııalarynyń qaýymdastyǵy birinshi ret Qazaqstan kýbogin ótkizýi de tegin emes.
Arbadaǵy bı jarysynda sportshylar 1 jáne 2-shi múgedektik toby boıynsha bólinedi de, birneshe kategorııamen bıleıdi. Ár kategorııada birneshe baǵdarlama bolady, sodan jeńgender jeńimpaz atanady. Parabıdiń «kombı» kategorııasynda arbada otyrǵan bıshi men múgedektigi joq kádimgi bıshi latynamerıalyq jáne eýropalyq baǵdarlamalardy oryndaıdy. Al arbadaǵy eki múgedektiń bıi «Dýo» nemese «Dýet» dep atalady. Olar da latynamerıkalyq jáne eýropalyq baǵdarlamalardy oryndaýy tıis. Jekelegen kategorııalar úshin «Iýnıory» baǵdarlamasy bar. Sonymen qatar barlyq kategorııalar «frıstaıl» baǵdarlamasymen bıleıdi.
«Jaqynda respýblıkalyq sporttyq bıler federasııalarynyń qaýymdastyǵy akkredıtasııa aldy. Qazir mundaı shara ótkizýge ruqsaty bar elimizdegi jalǵyz uıym osy. Qazan aıynda Almaty qalasynda arbadaǵy bıden Qazaqstan chempıonaty ótedi. Onda eki jup sıngl-bıshi Azııa jáne álem chempıonattaryna irikteledi» dedi respýblıkalyq sporttyq bıler federasııalary qaýymdastyǵynyń tóraǵasy Iаroslav Kvashın.
Jarys qorytyndysynda kategorııalar boıynsha jeńimpazdar anyqtaldy. Olardyń arasynda Malıka Muhtarova, Arýna Jaqsyǵulova sıIаqty qostanaılyq belgili sportshylar, taǵy basqalar bar.
Názıra Járimbet,
«Egemen Qazaqstan»
Qostanaı