О́ńirdegi Qoǵamdyq densaýlyq saqtaý departamentiniń málimetinshe bul jumys barysy tamyz aıynyń sońyna deıin jalǵasady. Qyrkúıekte sýdyń sapasy jaıly tolyq anyqtama beriledi.
Departament basshysy Irına Sorokınanyń aıtýynsha, tekserý nátıjeleri shyqqan soń, aýyldardy taza aýyz sýmen qamtý jumysy odan ári júrgiziledi. Aýyldarda turatyn turǵyndardyń aýrýǵa shaldyǵý sebepteriniń sý sapasyna baılanysy bar joǵy da zertteledi. Sýdyń synamasy qubyrlardan, blok-modýldardan alynýda.
Nátıjesinde, Ertis aýdany, Ekibastuz qalasyna qarasty aýyldyq aýmaqtardaǵy sýdyń sapasy kútken deńgeıde bolmaı shyqqan. Jekelegen qudyqtardaǵy mıkrobıologııalyq jaǵdaı ár aýdannyń aýyldarynan baıqalypty.
Mysaly, qala irgesindegi Moıyldy aýylynda kúnine 1000 lıtr taza sý tutynady. 10 lıtr sýdyń baǵasy – 5 teńge. Keshendi blok modýl jóndeýden ótip, turǵyndarǵa taza aýyz sý berýde. Aýylydaǵy KBM, sý munarasy, káriz júıelerine merdigerler qaraýynda. Sý sapasyn, súzgilerdiń ýaqytyly aýystyrylýyn da baqylaıdy. Ár aýylǵa osyndaı merdiger qajet-aq.
Oblystyq densaýlyq saqtaý basqarmasy sýdyń sapasnyń nasharlyǵy densaýlyqqa áserin tıgizetinin aıtýda. О́ńirde nesep-tas aýrýy men gastroentorologııalyq patologııasy bar turǵyndar kórsetkishi joǵary degen málimet berýde. О́ńirdegi aýyldyq aýmaqtarda 221 myń 261 adam turady.
Farıda BYQAI,
«Egemen Qazaqstan»
PAVLODAR
Sýretti túsirgen Valerıı Býgaev