Ortalyq kommýnıkasııalar qyzmetinde 2018 jylǵy 30 shildedegi jaǵdaıǵa sáıkes «Qarjy ortalyǵy» AQ-nyń Memlekettik bilim berý jınaqtaý júıesin ilgeri jyljytý boıynsha jumystarynyń qorytyndysyna arnalǵan baspasóz konferensııasy ótti.
Is-sharaǵa «Qarjy ortalyǵy» AQ-nyń prezıdenti Ybraıymov Asqar, Bilim berý qyzmetterine aqy tóleý júıesin damytý departamenti dırektorynyń orynbasary Ybraev Tilesh, departament menedjeri Satybaldın Alpamys qatysty.
Asqar Ybraıymovtyń aıtýynsha, 2013 jyly Memleket basshysynyń bastamasy boıynsha halyqqa JOO-lar men kolledjderde bilim alýda qarjylyq qoldaý kórsetý úshin qarajat jınaqtaýdyń jańa júıesin (depozıtter) engizýdi kózdeıtin «Memlekettik bilim berý jınaqtaý júıesi týraly» QR Zańy qabyldandy.
Memlekettik bilim berý jınaqtaý júıesi (budan ári – MBJJ) depozıtteriniń basty artyqshylyǵy salymdarǵa 12% deıin banktik syıaqydan bólek memleketten syılyqaqy tólenedi. Memleket syılyqaqysynyń mólsheri – jyldyq 5%, basymdyqty sanattaǵylar úshin - 7%.
«Búgingi tańda MBJS sheńberinde 16 802 561 331 teńge somasyna 19 166 bilim berý jınaqtaý salymy tirkeldi. Aǵymdaǵy jyldyń aqpan aıynda 14 739 salymshy boıynsha 757 409 000 teńge memleket syılyqaqysy tólendi. Osy ýaqytqa deıin salymdar boıynsha eseptelgen memleket syılyqaqysynyń jalpy somasy 1 644 761 000 teńgeni qurady. Qazirgi ýaqytta MBJJ boıynsha bilim alatyn stýdentterdiń monıtorıngin júrgizý úshin Qazaqstan Respýblıkasynyń JOO-larymen 105 jáne kolledjderimen 525 MBJJ salasynda kelisim jasaldy. Búgingi kúnde 403 stýdent MBJJ sheńberinde bilim alyp júr», deıdi Asqar Ybraıymov.