Aeromexico áýe kompanııasynyń ushaǵy Meksıkanyń Vıktorııa-de-Dýrango qalasynyń áýejaıynan kóterilgen sátte apatqa ushyrady, dep habarlaıdy euronews.com.
Ushaq bortynda 103 adam bolǵan: 4 ekıpaj múshesi, 97 eresek jolaýshy jáne eki bala. Shtat gýbernatory Dýrango Hose Rosas Aıspýronyń aıtýynsha, jolaýshylardyń bári aman.
Embraer 190 ushaǵy Heneral Gvadalýpe Vıktorııa áýejaıynan el astanasy Mehıko qalasyna jetýi kerek bolǵan. Aldyn ala derekter boıynsha, apatqa qolaısyz aýa raıy sebep bolýy múmkin.