О́ńirdegi ekologııa departamenti ekologııalyq ınspektorlardyń málimetinshe, bıylǵy alǵashqy jarty jyldyqta oblys kásiporyndary qorshaǵan ortaǵa 344,83 myń tonna zııandy qaldyqtar shyǵarǵan. Talap boıynsha shek qoıylatyn deńgeı - 968,5 myń tonna.
Inspektorlardyń aıtýynsha, qorshaǵan ortany saqtaý sharalary aıasynda jergilikti bıýdjetten departament zerthanasyn jabdyqtaýǵa 79 mıllıon teńge bólinipti. Satyp alynǵan KASKAD-N 31.1 gaz taldaýyshy óndiris oryndarynan shyǵarylatyn qaldyqtardan zııandy zattardyń bar ekenin, hımııalyq elementterdiń bar-joǵyn anyqtaýǵa múmkindik beredi.
О́ńir turǵyndary densaýlyqtaryna alańdaýshylyq bildiredi. О́ndiris oryndarynyń ekologııalyq talaptardy qanshalyqty saqtaıtyny oılantady. Kásiporyndar arnaıy brıfıngter ótkizip, qorshaǵan ortany qorǵaý baǵytyndaǵy atqarylǵan jumystarmen tanystyrýy kerek. Byltyr óndiris oryndary 14 myń jasyl jelek otyrǵyzylypty.
Taǵy bir másele - kásiporyndardyń óz qaldyqtaryn jasyrýy. Departamenttiń málimetinshe, óndiris oryndary qaldyqtaryn basqa kompanııaǵa ótkizip, sońynda qaldyqtyń qaıda ketkeni belgisiz qalady. О́ndiristik qaldyqty shyǵarǵany úshin tólenýi tıis emıssııadan jaltarady.
О́tken alty aıda ekologııa departamentiniń mamandary 80 ret tekseris júrgizipti. Nátıjesinde ekologııalyq zańnama talaptaryn saqtamaý boıynsha 116 derek anyqtalyp, jalpy quny 7 mıllıon 712,9 myń teńgege aıyppul salyndy.
Sonymen birge, departament janyndaǵy mobıldi top zamanaýı qurylǵylardyń kómegimen jospardan tys tekserister de júrgizedi.
Kelesi jyldyń 1 qańtarynan elimizde jańa ekologııalyq norma engizilmek. Normaǵa sáıkes, endi kádimgi turmystyq qaldyqtar arnaıy polıgondarǵa tek suryptalǵan kúıinde shyǵarylýy tıis. Elimizdegi ekologııalyq ahýaldy jaqsartyp, turmystyq qaldyqtardy óńdeý óndirisin qolǵa alý úshin qoqysty jınaý, shyǵarý jáne polıgondarǵa jetkizý erejelerine ózgerister engiziledi.
Farıda BYQAI,
«Egemen Qazaqstan»
Pavlodar
Sýretti túsirgen Valerıı Býgaev