Jarylǵysh qurylǵy týraly jalǵan habarlama taratqandar 6 jylǵa bas bostandyǵynan aıyrylady.
Qalalyq IID-ne jyl basynan beri QR QK 273 babynda qaralǵan (terrorızm aktisi týraly jalǵan habarlama taratý) boıynsha 6 fakti tirkelgen. Kórsetilgen qylmys boıynsha barlyq tulǵa anyqtalyp, ustaldy.
Jarylǵysh qurylǵy ornatylǵan degen habarlama shyqqan jaǵdaıda tez arada shuǵyl áreket etip, polıseılermen jabdyqtalǵan jedel-izdestirý sharalary júrgiziledi.
Qaskúnem adamdy taýyp alý polısııaǵa qıynǵa soqpaıdy, al osyndaı qylmys úshin jaza óte aýyr. Qazirgi zamanaýı tehnologııanyń arqasynda jaraqtanyp alǵan polıseıler qylmystyq quqyq buzýshyny kóbine bir táýliktiń ishinde-aq taýyp jatady. Oılanbaı jasalǵan árekettiń saldary materıaldyq shyǵynyn óteıtin qylmystyq jaýapkershilikpen aıaqtalady.
«Jalǵan qońyraý - qoǵamda dúrbeleń týǵyzatyn óte aýyr sanattaǵy qylmystyń túri. Kóbine mundaı jalǵan aqparatty kámelet jasyna tolmaǵandar buzaqy áreketpen jasaıdy nemese mas kúıinde úlkender de habarlasyp, qylmys jasaıdy. Keıde «telefon terrorısteri» jumys ýaqytyn bólý úshin nemese basqa mekemeni ábigerge salý úshin ádeıi sanaly túrde barady», - deıdi Astana IID ekstremımzge qarsy kúres jónindegi basqarmanyń qyzmetkeri Danııar Shynyqulov.
Jasaǵan qylmysy úshin QR QK 273 babynda qaralǵan (terrorızm aktisi týraly jalǵan habarlama taratqandar) 6 jasqa deıin bas bostandyǵynan aıyrylady.
Budan basqa, mekeme qyzmetiniń, kásiporyn, uıymdardyń jumys normasy rejımin buzǵany úshin telefon buzaqysynan nemese onyń ata-anasynan, kámeletke jasy jetpegenderden jarylǵysh qurylǵy týraly jalǵan qońyraý taratqan adamnan materıaldyq shyǵyn óndiriledi.