2 myńǵa jýyq kórermen tamashalaýǵa kelgen bul shara «Sultan Beıbarys» atyndaǵy alańda ótti, dep habarlaıdy Atyraý qalasy ákiminiń baspasóz qyzmeti.
Tamyzdyń 9-y kúni Sultan Beıbarys atyndaǵy alańda Atyraý mýzykasynyń tarıhynda «San-Remo Saraishyq» atty festıvali tuńǵysh ret ótti. Konsertti uıymdastyrýshy qalalyq mádenıet jáne tilderdi damytý bólimi. Atyraý qalasynyń turǵyndary men qonaqtaryn shyǵarmashylyqpen qýantý úshin Italııanyń ár qalasynan «San Remo» halyqaralyq festıvalinen 8 ártis keldi. Olardyń arasynda álemge áıgili ártister - tanymal tenor Rodolfo Marııa Gordonı, «San-Remo» festıvaliniń turaqty qatysýshysy jáne kompozıtor Isabeo Bıffı, halyqaralyq Alt @Moda toby bar.
«Atyraýǵa men alǵash ret keldim, qala turǵyndary meni jáne meniń áriptesterime qonaqjaılylyq tanytty. Biz tanymal - Toto Cutunje, Adriano Celintano, Richie jáne Poveri, Pupo, Nada jáne basqada ıtalıandyq ártisterdiń ánderinen turatyn úlken repertýardy alyp keldik. Kórermender bizdi óte jyly qarsy alyp, bizben birge án shyrqady. О́te jaqsy kóńil-kúı syılady», - deıdi ánshi Isabeo Bıffı. Uıymdastyrýshylardyń aıtýynsha, «Sıýzanna», «Felıchıta» jáne basqa da keńestik dáýirdiń basqa da tanymal ánderi Atyraý qalasynyń turǵyndary úshin, ásirese, qart adamdar úshin shynaıy mereke boldy.
Búgin shamamen eki myń kórermen áıgili ıtalıandyq ártisterdiń ónerimen tanysýǵa keldi. Eki eldiń mádenıeti men tilin baılanystyrý bizdiń basty maqsatymyz bolatyn. Osy maqsatymyz júzege asty dep esepteımin. Endigi kezekte Italııa elinde Qazaqstan estradasynyń konsertin qoıyp, ıtalıandyqtardy bizdiń mádenıetimiz ben tilimizben tanystyrsaq jaqsy bolar edi, deıdi Atyraý qalasy mádenıet bóliminiń bas mamany Qarlyǵash Qumarova. Aıta ketsek, «San-Remo» - tanymal ıtalıandyq án baıqaýy. Ár jyl saıyn aqpan aıynyń ortasynda Italııanyń soltústik-batysyndaǵy San-Remo qalasynda ótkiziledi. Baıqaý buryn sońdy kópshilikte oryndalmaǵan ıtalııalyq kompozıtorlardyń túpnusqa ánderiniń baıqaýy.