QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentiniń uıymdastyrýymen memlekettik kórsetiletin qyzmetter jármeńkesi ótkizildi.
Jármeńkeniń maqsaty – turǵyndarǵa oblystyń ortalyq jáne jergilikti atqarýshy organdarymen kórsetiletin memlekettik qyzmetterdi aqparattandyrý, sapaly qyzmet kórsetý, elektrondy túrde kórsetiletin qyzmetterdiń qoljetimdiligin qamtamasyz etý jáne sala mamandarynan zańgerlik keńes alý bolyp tabylady.
Jármeńkege halyqtyń suranysy joǵary jer, áleýmettik, bilim, turǵyn úı, sáýlet jáne qurylys, ahaj, ádilet, salyq, kóshi-qon salalary boıynsha qyzmetter kórsetetin ýákiletti organdar, Halyqqa qyzmet kórsetý ortalyǵy, «Qazposhta» AQ Qyzylorda oblysy boıynsha fılıaly jáne «Turǵyn úı qurylys jınaq banki» AQ oblystyq fılıaly qatysty.
- «Jármeńke barysynda 200-den astam qala turǵynyna túrli qyzmetter kórsetildi. Turǵyndardyń basym bóligi balalardy mektepke qabyldaý men baspana máselesi boıynsha «7-20-25», «Orda» baǵdarlamalary tóńireginde saýaldarmen júgindi. Sondaı-aq, qyzmet kórsetetin organdarmen azamattarǵa turǵyn úı, jer, balabaqsha kezegine qoıý, elektrondyq kilt alý, «E-gov» elektrondyq portalyna uıaly telefon nómerlerin tirkeý jáne taǵy da basqa qyzmet túrleri kórsetilip, tıisti keńester berildi», dedi Departamenttiń memlekettik qyzmetter basqarmasynyń basshysy Ǵalymjan Ilkibaev.
Atalǵan jármeńke jyl basynan beri Shıeli, Aral, Qazaly, Qarmaqshy aýdandarynda ótkizilgen bolatyn. Aldaǵy ýaqytta oblys ortalyǵynda jáne basqa aýdandarda da jalǵasyn tabatyn bolady.