Respýblıkalyq «Egemen Qazaqstan» gazeti men «QazAqparat» HAA, Halyqaralyq Túrki akademııasynyń qoldaýymen Qazaqstannyń Vengrııadaǵy Elshiligi uıymdastyrǵan «Uly dala rýhy» fotokórmesi ashyldy.
Halyqaralyq «Turan» halyqtar quryltaıynyń aıasynda Majarstanda ashylǵan «Uly dala rýhy» kórmesi Astananyń 20 jyldyǵyna arnaldy. Kórmeni Aqtóbe oblysynyń ákimi Berdibek Saparbaev pen Majarstan parlamentiniń vıse-spıkeri Shandor Lejak baryp tamashalady.
Kórmege «Egemen Qazaqstan» gazeti men «QazAqparat» HAA-nyń fototilshileri usynǵan týyndylar qoıyldy. Qazaqstannyń baı tarıhy men búgingi qaıtalanbas kelbetinen syr shertetin fotosýretterge quryltaı qatysýshylary men qonaqtar erekshe qyzyǵýshylyq bildirdi. El nazaryn aýdartqan sýretterdi Erlan Omarov, Muhtar Holdorbekov, Vıktor Fedıýnın, Aleksandr Pavskıı jáne Ilzat Safargalıevter túsirgen.