Shanhaı yntymaqtastyq uıymyna múshe elderdiń áskerıleri arasynda ár eki jyl saıyn ótetin «Beıbit mıssııa» arnaıy oqý-jattyǵý sharasy bıyl Reseıde jalǵasady.
2010 jyldan beri turaqty ótip kele jatqan jaýyngerlik jattyǵý adamzatqa qaýip tóndirýshi áskerı áreketter men terrorızmge qarsy kúres tásilderin jetildirý maqsatyn kózdeıdi. Segiz memlekettiń ókilderi shaqyrylǵan «Beıbit mıssııa – 2018» áskerı jattyǵýyna qazaq sarbazdary da qatyspaqshy.
Búginde Almaty oblysyndaǵy «Jetisý» áskerı polıgonynda «Beıbit mıssııa – 2018» jattyǵýyna qatysatyn sarbazdar daıyndyqtaryn pysyqtap jatyr. Jaýyngerler jaqynda Reseıdiń Chelıabi oblysyna ornalasqan Shubarkól áskerı polıgonyna attanady. Oqý-jattyǵýǵa Qorǵanys mınıstrligi shabýyldaýshy-desant áskeriniń eki júzden astam jaýyngeri men 60 arnaıy áskerı tehnıka qatyspaq.
Bıylǵy «Beıbit mıssııaǵa» Qazaqstan jaýyngerlerinen bólek Reseı, Qytaı, Úndistan, Pákistan, Tájikstan, О́zbekstan jáne Qyrǵyz respýblıkasynyń áskerıleri qatysyp, tótenshe jaǵdaıda jedel áreket etýdiń qyr-syryn pash etetin bolady.
Qalmahanbet MUQAMETQALI,
«Egemen Qazaqstan»
Almaty oblysy