Embige gaz berildi, meshit ashyldy

Muǵaljar aýdanyndaǵy Embi qalasyna gaz qubyryn tartý bu­dan bes jyl buryn bastalǵan-dy. Qarjy jaǵdaıyna baıla­nys­ty bir ǵana gaz bólý pýnkti iske qosylyp, osyndaǵy birneshe áleýmettik nysandar ǵana kógil­dir otyn ıgiligin kórip kelgen-di. Gaz qubyry qalaǵa kelgenimen turǵyn úılerge tolyqtaı kógil­dir otyn berýdiń sáti Táýel­siz­diktiń 20 jyldyǵy qarsańynda ǵana tústi. Embi qalasyna gaz bólý júıesin júrgizýge jáne Jem qalasyna gaz qubyryn tar­tý­ǵa oblystyq bıýdjetten 370,2 mıllıon teńge qarjy bólinip, ol tolyq ıgerildi. Qolsozym jerge kelip turǵan kógildir otynǵa kóz­derin satqan embilikterdiń qýa­nyshynda shek joq. Qala boıyn­­sha salynǵan 12 gaz bólý pýnkt­teri qurylysy aıaqtalyp, endi turǵyn úılerge kirgizý jumys­ta­ry qarqyndy júrgizilip jatyr. Embi qalasyna kógildir otyn berý saltanatyna qa­lalyqtar taı­ly-tuıaǵy qalmaı jınaldy. «Sa­baq­ty ıne sátimen» degendeı mun­daı qýanyshtyń el Táýelsiz­di­giniń 20 jyldyq mereı­toıymen tuspa-tus kelýin jaqsy­lyqqa balap jatty olar. Osy saltanatty sharaǵa arnaıy atbasyn tiregen oblys ákimi Arhımed Mu­hambetov jınalǵandardy qýanysh­ty sátpen quttyqtaı kelip, Elbasy Nur­sul­tan Nazarbaevtyń dana da kóre­gen­dik saıasatynyń arqasynda elimiz­diń ekonomıkalyq-saıası júıe­­sin qalyptastyrýda eleýli damýǵa qol jetkenine, táýelsiz­diktiń 20 jyly ishinde halyqtyń ál-aýqa­tyn jaq­sar­tý baǵytynda qyrýar ju­mystar atqarylǵanyna toq­taldy. Saltantty sátte sóz alǵan eń­bek ardageri Ǵaıbol Isaev, qala­lyq jastar uıymynyń múshesi Oryn­gúl Bókeeva jáne basqalar osyndaı ıgilikti is úshin Elbasyna jáne oblys basshylyǵyna rıza­shy­lyqtaryn bildirdi. Halyq rıza bolsa, rıza bol­ǵan­daı sharýa tyndyryldy. Qaladaǵy 3214 úıdiń turǵyndary endi qolda­ryn jyly sýǵa malyp otyratyn boldy. Turǵyndar tonnalap qym­bat kómir túsirýden, burqyratyp kúl shyǵarýdan qutyldy. Qazirdiń ózinde 370 úı jáne 17 áleýmettik jáne óndiristik nysan kógildir oty­nnyń qyzyǵyn kórip otyr. Gaz bólý pýnktteriniń qurylys ju­mys­taryn júrgizgen «MKStroı Ser­vıs» JShS-ine de halyqtyń alǵysy sheksiz. О́ńir basshysy qala turǵyny Edil Ahmetovtiń úıine kirip, gazdyń ıgiligin kórip otyrǵanyna kóz jetkizdi. Sodan keıin oblys ákimi Arhımed Muhambetov osyndaǵy «Nur» meshitiniń tusaýkeserine qatysty. Jańa meshittiń ashy­lýy­­na jınalǵan jamaǵatty ıman­dylyq úıiniń paıdalanýǵa berilýimen quttyqtaǵan ákim ıslam­nyń birliktiń, tatýlyqtyń dini ekenine toqtaldy, jastardy ıman­­dy­lyqqa tárbıeleýge shaqyr­dy. Meshit ımamy Ádiljan Bekbaýov­qa jeńil avtokóliktiń kiltin us­tat­ty. Meshitte bir mezgilde 400 adam namazǵa tura alady. Munda namaz oqıtyn, saýat ashý bólme­leri bar. Ǵımaratqa jylý, sý, elektr jáne káriz júıesi júrgi­zil­gen. Qos birdeı qýanyshqa bó­len­gen embilikter kóńilderi kóte­rińki, júzderi jarqyn. Satybaldy SÁÝIRBAI. Aqtóbe oblysy.