Yqylasty quttyqtaýlar men izgi tilekter legi

Memleket basshysynyń atyna el, úkimet basshylarynan, halyqaralyq uıymdardyń ókil­derinen Qazaqstan Respýblıkasy Táýelsizdiginiń 20 jyldyǵyna baılanysty quttyqtaýlar tolassyz kelip túsýde, dep habarlady Qazaqstan Respýblıkasy Prezıdentiniń baspasóz qyzmeti. Qyrǵyz Respýblıkasynyń Prezıdenti Almazbek Atambaev «Qazaqstan ótken jyldar ishinde óz Prezıdentiniń dana basshylyǵymen ekonomıkalyq jáne qoǵamdyq-saıası jańarýlar, óziniń halyq­ara­lyq bedelin nyǵaıtý isinde aıtarlyqtaı tabystarǵa jetti» dep atap ótken. Iran Islam Respýblıkasynyń Prezıdenti Mahmud Ahmadınejad quttyqtaý hatynda Qazaqstan óziniń damýy men gúldenýi jolynda aldaǵy ýaqytta da úlken tabystarǵa jetetinine senim bildirgen. О́ziniń quttyqtaý hatynda Koreıa Respýblı­kasy­nyń Prezıdenti Lı Mıon-Bak: «Men Qazaqstan Respýblıkasy men Koreıa Respýblıkasynyń ortaq múddesine, ózara qurmet pen halyqtar dostyǵyna negizdelgen yntymaqtastyq odan ári nyǵaıa beretinine senemin», dep atap ótken. Sonymen qatar, Memleket basshysynyń atyna kel­gen quttyqtaý jedelhattaryn Ulybrıtanııa Koro­levasy II Elızaveta, Mońǵolııa Prezıdenti Sahıagıın Elbedorj, Grýzııa Prezıdenti Mıhaıl Saakashvılı, Grekııa Respýblıkasynyń Prezıdenti Karolos Papýlıas, Belgııa Koroli Albert II, Nıderlandy Korolevasy Beatrıks, Indonezııa Respýblıkasynyń Prezıdenti Sýsılo Bambang Iýdoıono joldaǵan. Qazaqstan Respýblıkasy Táýelsizdiginiń 20 jyl­dy­ǵymen Prezıdent Nursultan Nazarbaevty halyq­aralyq uıymdardyń ókilderi quttyqtady. Shanhaı yntymaqtastyq uıymynyń Bas hatshysy Muratbek Imanalıevtiń jedelhatynda bylaı delingen: «Qazaqstan Táýelsizdik jyldarynda Prezıdent Nursultan Nazarbaevtyń basshylyǵymen ulttyq memlekettilikti qalyptastyrýda jáne nyǵaıtýda zor tabystarǵa, sondaı-aq eldiń halyqaralyq arenada be­de­liniń údemeli artýyna qol jetkizdi. Shanhaı yn­ty­maqtastyq uıymynyń negizin qalaǵan eldiń biri bola otyryp, Qazaqstan ShYU aıasynda ornyqqan tatý kórshilestik, ózara túsinistik jáne syndarly árip­tes­tik qatynastardy damytýǵa eleýli úles qosty». EýrAzEQ Bas hatshysy Taır Mansurov: «Qazirgi zamanǵy Qazaqstandy qurýshy, búkilhalyqtyq tany­mal Ult kóshbasshysy retinde Siz eldiń údemeli áleý­mettik-ekonomıkalyq damýyna arnalǵan memlekettik saıasatty dáıekti túrde jáne senimmen júzege asyryp kelesiz. Qazaqstan óz táýelsizdiginiń 20 jyl­dyǵyn bizdiń elimizdi jalpyálemdik úderisterge belsene qatysqan, demokratııalyq memleketter qa­tary­na shyǵarǵan orasan jetistikterimen qarsy aldy. Eýra­zııalyq odaqtas memleketterdi qalyptastyrý­da­ǵy kópshilik moıyndaǵan serpindi ıdeıańyz Sizdiń qa­jyr­ly qyzmetińizdiń arqasynda Eýrazııalyq ekono­mı­kalyq qoǵamdastyqtyń, Keden odaǵy men Birtutas ekonomıkalyq keńistiktiń qurylýyn iske asyrdy», dep atap ótken. Memleket basshysy Táýelsizdik kúnimen quttyq­taýlardy Dúnıejúzilik densaýlyq saqtaý uıymynyń Bas dırektory Margaret Chennen, TMD Atqarýshy ko­mıtetiniń tóraǵasy Sergeı Lebedevten, TMD Parla­ment­aralyq Assambleıasy keńesi Bas hatshysynyń orynbasary Mıhaıl Krotovtan, TMD Parlament­aralyq Assambleıasy keńesi Bas hatshysynyń orynbasary Halel Bákenovten aldy.

*  *  *

Prezıdent Nursultan Nazarbaevty el Táý­el­sizdiginiń 20 jyldyǵymen Qazaqstannyń isker top ókilderi quttyqtaıdy, dep habarlady Qazaqstan Respýblıkasy Prezıdentiniń baspasóz qyzmeti. «Arcelor Mittal» kompanııasy dırektorlar keńesiniń tóraǵasy Lakshmı Mıttaldyń hatynda bylaı delingen: «Bul – sońǵy 20 jyl boıy ózin táýelsiz memleket retinde jańǵyrtý jáne nyǵaıtýda úlken joldy júrip ótken ult úshin eleýli kezeń. Qazaqstannyń tabysy Sizdiń aınalańyzǵa toptasqan halyqtyń ujymdyq kúsh-jigeriniń orasan nátıjesi bolyp tabylady. Sizge jáne Qazaqstan Respýblıkasynyń halqyna beıbitshilik, baqyt jáne gúldený tileımiz». Al «ENRC» kompanııasynyń aksıonerleri Aleksandr Mashkevıch, Patoh Shodıev jáne Alıdjan Ibra­gımovtiń quttyqtaý jedelhatynda «Búgingi Qazaqstan – óshpes rýhanı qundylyqtaryn qaıta órkendetip, babalar dástúrin keleshekpen berik úılestire otyryp, alǵa umtylǵan, óziniń baı áleýetin iske asyrý jolynda qarqyndy damyp kele jatqan memleket. Osynyń bári kóp jaǵdaıda Prezıdent Nursultan Nazarbaevtyń maq­satkerlik, jaýapkershilik, dana jáne kóregen qa­sıet­teriniń arqasynda múmkin boldy», dep atap ótilgen. «Qazatomónerkásip» UAK» AQ basqarma tóraǵasy Vladımır Shkolnık quttyqtaý hatynda Qazaqstan jańa óndiris oryndaryn quryp, ınnovasııalyq-tehnı­kalyq jáne tehnologııalyq sheshimderdi basshylyqqa ala otyryp, memlekettiń gúldenýi men árbir qazaq­standyqtyń ıgiligi úshin odan ári qarqyndy damı beretinine senim bildirgen. Sonymen qatar, Memleket basshysyn «Shevron» kor­po­rasııasy Eýrazııalyq bólimshesiniń basqarýshy dırek­tory Skott Devıs, «Kazzinc» JShS basshylary Nıkola Po­povıch pen Gennadıı Zılbberberg, «OKAN» kompa­nııasynyń basqarma tóraǵasy Bekır Okan quttyqtaǵan.

*  *  *

Memleket basshysynyń atyna zııaly qaýym ókil­derinen, mekeme basshylarynan, kásipkerler­den jáne qarapaıym azamattardan el Táýelsizdigi­niń 20 jyldyǵyna baılanysty quttyqtaýlar men jedelhattar legi tolassyz kelip túsýde, dep habarlady Qazaqstan Respýblıkasy Prezıdentiniń baspasóz qyzmeti. Hat ıeleri elimizdiń 20 jylda jetken jetistikterine, Qazaqstan memlekettiliginiń negizin qalap, ekonomıkasy turaqty, halqy yntymaqty, álemge tanymal, irgeli el quryp, órkendeýdiń qazaqstandyq jolyna bastaǵan  Elbasy N.Á.Nazarbaevtyń eńbegine keńinen toqtalyp, saralap kórsetken. Jazýshy A.Mekebaev óz quttyqtaýynda: «Qurmetti Nursultan Ábishuly, Siz Qazaq eli úshin Táýelsizdik sımvolyna aınalǵan uly tulǵasyz. Sonymen qatar, túrli zamandarda qıly qasiretti bastan kóp keshken ulttyń arasynan daralanyp shyǵyp, elin Táýelsizdikke jetkizgen dara tulǵasyz.  Siz erekshe kóregendilikpen birneshe ǵasyrǵa sozylýy múmkin kúrdeli jumystardy 20 jyl ishinde atqara aldyńyz. Halqyńyzdy muratyna jetkizdińiz», dep jazady. Sondaı-aq, Memleket basshysyn Táýelsizdiktiń 20 jyldyq mereıtoıymen quttyqtap, óz ujymdary atynan júrekjardy tilekterin bildirip, quttyqtaýlar joldaǵandar qatarynda «QazMunaıGaz» ulttyq kompanııasy» AQ basqarma tóraǵasy B.Aqsholaqov, kókshetaýlyq kásipker E.Qurmanǵalıuly, t.b. bar. Hat ıeleri óz quttyqtaýlarynda Tuńǵysh Prezı­denti­mizdiń eńbeginiń nátıjesinde elimizdiń 20 jyl ishinde ekonomıkasy órkendegen, saıası turaqtylyq pen qoǵamdyq kelisimdi berik ornyqtyrǵan abyroıly memleketke aınalǵanyn aıta kele, Ult kóshbasshysynyń táýelsizdikti ornyqtyrý jolyndaǵy qyzmetine zor baǵa bergen. Osyndaı mazmundaǵy hattar Aqtóbe oblysy Yrǵyz aýylynyń turǵyny, zeınetker J.Derbisov, Jambyl oblysy Bóltirik sheshen aýylynyń turǵyny M.Rahmetýlla, Qazaly qalasynyń turǵyny Z.Baımahanova, Semeı qalasynyń turǵyny E.Orazalınnen keldi.