Kerekýlik órender jazdy oıdaǵydaı ótkizýde

Balalar lagerinde ótken jaz jetkinshekter men jas­ós­pirim­derdiń esinde qalatyny anyq. Bıylǵy jazdyń jaqsy jańa­lyǵy kóp. Aıtalyq, oblys­tyq «Jas dáýren» oqý-saýyq­tyrý orta­lyǵynda «Qazaq-camp» dep ata­latyn erekshe joba uıymdas­tyrylýda. Iаǵnı joǵary synyp oqýshylaryn tildik, týrıs­tik-ólketaný, etnomádenı, ıntellek­týaldyq, sporttyq, eko­lo­gııalyq, shyǵarmashylyq jáne mýzykalyq baǵytqa arnalǵan demalys oryndary qarsy aldy. 370-ten astam qamqorshylarymen turatyn jetim balalar, ata-anasy­nyń qamqorlyǵynsyz qalǵan balalar, sondaı-aq áleýmet­tik turǵydan qorǵalmaǵan otbasy­lar­dyń balalary jappaı oqytý qory esebinen demalyspen jáne saýyq­tyrýmen qamtyldy. Elimizdiń kıeli jerleri boıynsha týrıstik ekskýrsııalar ótkizý josparlanǵan bolatyn.

Oblystyq bilim basqarma­synyń basshysy Dinıslam Bolat­hannyń aıtýynsha, «Qazaq-camp» jobasy boıynsha balalar jazǵy demalys kezinde hal­qy­my­z­dyń máde­nıeti men tilin, óneri men salt-dástúrin, tur­my­syn zer­de­lep, tanymdyq oı-sana­laryn ke­ńeı­tedi. Úıirmeler men sheber­lik saǵat­tary oqýshy­lardy ulttyq qol­dan­baly óner, kıiz úı qurý, áshekeı­ler men kádesyılar jasaý, jún tútý, quraq tigý, jip ıirý, keste toqý jáne ult­tyq sport túr­le­rine baýlıdy. Al dema­lys aýma­­ǵynda kıiz úıler tigi­lip, al­ty­­b­a­qandar ornatylmaq. Eń bas­­ty­sy, balalar kıeli jerlerge jaıaý saıahattaıdy. Mysaly, ma­myr aıynda óńirdegi balalar úı­leri­niń tárbıelenýshileri kóne qala­lar  Otyrar men Túrkistanǵa, el jú­regi Astanaǵa jáne Baıan­aýyl óńi­rinde boldy. Jazǵy demalys oryn­­­dary­nyń balalardy qa­byl­­daýǵa da­ıyndyǵyn óńirdegi tó­ten­­­she jaǵdaılar departamenti já­ne qo­­ǵamdyq densaýlyq saqtaý bas­qarmasynyń mamandary tekserdi.

Bul kúnderi oblys ortaly­ǵyn­daǵy Oqýshylar saraıynda «Hogvartstegi kanıkýldar» atty jazǵy lager ashyldy. Lager baǵdarlamasynda «Shy­ǵar­mashylyq times» kreatıvti, «Bilim land» paıdaly bilimder jáne «Aqparat.FM» blogi fakýl­tetteri jumys isteıdi. О́ńirdegi ekologııa jyly sheńberinde «Jasyl jelek» jobasy da bas­taldy. Mindet – ár mektep aýlasyn gúldengen baqqa aınaldyrý. Al Ekibastuzdaǵy Dostyq úıi «Ekibastuz» balalar qory­men birlesip, «Shirkin, life!» jobasyn, «Týǵan ólke saıasynda» etnosaıahatyn uıymdastyrýdy qolǵa aldy. Qalalar men aýyldardy abattandyrý jasaqtaryna joǵary synyptyń 5349 oqý­shysy qatyspaq.

Sonymen birge ekolo­gııalyq mádenıetke tárbıe­leý maqsatynda oqýshylar mektep ormanshylyǵynda kóshetterdi kútýmen aınalysyp, tabıǵatty qorǵaý sharalarynyń bel ortasynda boldy. Oqýshylar jazǵy bos ýaqyttarynda elimizdiń eń­bek qatynastary zańnamasyna sáı­kes, kásiporyndar men sharýa qo­ja­lyqtarynda ýaqytsha jumys is­teıdi. Bul balalardyń eńbekke, ká­sipke degen qyzyǵýshylyǵyn oıata­dy. Taǵy bir mańyzdy máse­le, keı ata-analardyń balalaryn lagerge jiberý múmkindigi joq. Sol sebepti «Mektebime taǵ­zym» sharasynyń jalǵasy retinde «Balaǵa lagerge joldama syılańyz!» sharasy ótti. Bul kásipkerlerdi otbasynda múm­kindigi joq balalarǵa jaz­ǵy demalys syılaýǵa shaqy­rady. Taıaýda pavlodarlyq oqý­shy­lar Býrabaı demalys aıma­ǵyndaǵy «Burabay Summer Fest» halyqaralyq balalar men jasóspirimder televı­zııalyq festıvaline attandy. Jas óner­pazdar qatarynda 11 jeke oryndaýshy jáne bı ansambli bar.

Farıda BYQAI,

«Egemen Qazaqstan»