BQO TJD Jedel qutqarý jasaǵynyń №5 qutqarý bólimshesiniń qutqarýshylary Ýahıtov Temirbolat pen Nıkıforov Oleg Shalqar kólinde patrýldeý kezinde 4 adamdy qaterden qutqaryp qaldy.
Shalqar kóline kelgenderdiń ishindegi 3 adam úrlemeli matrasqa minip, 2 shaqyrymǵa deıin, al sonymen birge taǵy bir adam da alys qashyqtyqqa júzip ketken. Osy jaıtty kórgen qutqarýshylar der kezinde kómekterin kórsetip, olardy jaǵaǵa alyp shyqty.
Matrasqa jatyp, alysqa júzip ketken dostaryna kómektesemin dep arttarynan júzip barǵan azamat ta olarǵa jetpeı sharshap qalǵan. Onyń ústine jel de kedergi keltirip, sýǵa túsýshilerdi matraspen birge yqtyryp áketken. Osy aralyqta úrlemeli matrastyń jeli de azdap shyqqan eken. Qutqarýshylar olardy qutqarý katerine otyrǵyzyp, jaǵaǵa shyǵarǵannan keıin sýdaǵy qaýipsizdik erejelerin túsindirdi.