Tatýlyǵymyz turaqty, birligimiz berik

El Táýelsizdiginiń 20 jyldyǵyndaǵy sal­tanatty jınalysta sóılegen sózinde El­ba­sy Nursultan Nazarbaev Qazaqstannyń bú­gini men bolashaǵyn aıqyndaıtyn baǵyt-baǵ­darymyzdy kórsetip ber­di. Prezı­denti­miz­diń osyn­sha­lyq­ty kezeńde da­my­ǵan el­der­diń qataryna qo­sylýǵa degen úlken tal­py­nysy men úlken talaby jaqsy isterdiń, jaqsy ıgilik­ter­diń ıirimi boldy. Týysqan eldiń tuǵyrly birligin biriktirgen elimizdiń yntymaǵyna úl­ken baǵa berdi. Elbasy osy az­ǵantaı ýaqyttyń ózinde bir­liktiń, yntymaq­tas­tyq­tyń jáne tatýlyq­tyń qan­sha­lyqty qaıtarymdy bola­tyn­dyǵyn isimen de, ónegesimen de kórsetti. Táýelsizdiktiń 20 jyldyǵy tamasha ta­bys­tarǵa toly. Osy kezeńde Elbasymyz Nur­sultan Nazarbaev egemen elimizdi nebir kúr­deli kezeńderden týra baǵyttan adastyrmaı alǵa bastap, táýelsizdiktiń tuǵyryn bekitetindeı berekeli ister bekemdegenin barsha qazaqstandyq anyq sezinip otyr. Qazaqstandy álem­­ge tanytty, memlekettiligin qalyptastyrdy, alys-ja­qyn shetelderge abyroıyn asqaqtatty. Astanany Arqaǵa kóshirip, ǵasyrlyq jobany júzege asyrdy. Elbasynyń ár qadamy óz eliniń ekono­mı­ka­lyq damýy men halqynyń tynyshtyǵyn, álemde beıbitshilikti nyǵaıtýǵa baǵyttalyp kele jatqany sózsiz. Ortaq otanymyz – Qazaq elin álemdik qarjy daǵdarysynan qıyndyqsyz shyǵaryp, damýdyń dańǵyl jolyna bastap kele jat­qa­nyn álem moıyndap otyr. Sondyqtan da ol halqyna qalaýly, eline eleýli tarıhı tulǵa. Aıta berse, táýelsizdik jyldary atqaryl­ǵan sharýalar qısapsyz kóp. Ony kúndelikti ómirimizde sezinip te kelemiz. Elbasynyń elimizde ultaralyq kelisimdi nyǵaıtýdaǵy bastamalary qashanda ha­lyq­tan qoldaý taýyp jatady. Qazaqstan halqy Assambleıasy Prezıdent bastamasymen dúnıege kelgen, Táýelsizdiktiń tól perzenti. Nursultan Ábishuly, bizdiń basty jetistigimiz – júzden astam ulttar men ulystardyń bir elde tatýlyqta, birlik pen beıbitshilikte ómir súrip jatqanymyz, muny aıryqsha baǵalaý, qasterleý kerek dep únemi atap ótedi. Biz táýelsizdiktiń nátıjesinde salt-dástúrimizdi, tilimizdi saqtaýǵa qol jetkizdik. Táýelsiz memlekettiń bir belgisi memlekettik til ekenin umytpaıyq, aǵaıyn. Sondyqtan da táýelsizdikpen kelgen tabystarymyz ben jetistikterimiz de ortaq. Biz egemendi elimizdiń erteńi úshin eseli eńbek etip, ulaǵatty urpaq tárbıeleýimiz kerek. El erteńiniń temirqazyǵy bolatyndaı urpaqtarymyz da dostyqtyń, tatýlyqtyń úlgisin kórsetýi qajet. Sonda ǵana táýelsizdik tuǵyry burynǵydan da bekı túsedi, ómirsheńdigi uzarady. Pavvel MAGLELI, Qazaqstan halqy Assambleıasynyń múshesi. Aqtóbe oblysy.