BUU Bas hatshysy Antonıý Gýterrısh Kaspıı teńiziniń quqyqtyq mártebesi týraly konvensııaǵa qol qoıylýyn quptaıdy. Bul týraly málimdemeni Birikken Ulttar Uıymynyń hatshylyǵy taratty.
«Bul tarıhı qujat halyqaralyq beıbitshilik pen qaýipsizdikti qamtamasyz etý úshin asa mańyzdy bolyp tabylatyn óńirlik yntymaqtastyqtyń mańyzdylyǵyn kórsetedi», dep aıtylǵan habarlamada.
BUU Bas hatshysy Konvensııanyń Kaspıı teńizi jaǵalaýy elderi arasyndaǵy uzaqmerzimdi problemalardyń keń aýqymyn retteýi tıis jáne qujattyń qabyldanýy óńirlik shıelenisti azaıtýda mańyzdy qadam bolyp tabylady dep sanaıdy.
Antonıý Gýterrısh, sondaı-aq Konvensııaǵa qol qoıǵan barlyq elderdi óńirlik yntymaqtastyq pen kópjaqty dıplomatııanyń erekshe máni bar jetistikterimen quttyqtady.
«Egemen-aqparat»