Til – táýelsizdiktiń bir tuǵyry

Táýelsizdik týraly baı­yp­ty da tereń áńgime jalǵasa bermek. Degenmen, Elbasy sózinen alǵan alǵashqy áserdi bir aýyz sózben jetkize ketkim keledi. Ol – birlik pen yntymaqty tý etken eldiń «búginnen nurly, búginnen kemel bolashaǵy» men uly maqsattardy al­dyna qoıǵan ult­tyń jarqyn keleshegine degen senimdilik! Táýelsiz Qa­zaq­stannyń ekono­mı­kasymen birge uly rýhanı qundy­lyq­tary – til, má­de­nıet, bilim men ǵylym da jańa kezeńde órleý men damýdyń jańa satysyna kóteriletinine kúmán joq. Ol senimge arqaý Elbasy sózi – «Dúnıede qazaq degen el barda qazaq tili máńgi jasaı beredi!!» Búginde qazaq tili el halqyn biriktirýshi basty faktor retinde qazaqstandyq qoǵamda óziniń mem­lekettik mártebesine saı qol­danyla bastady. Elbasy atap ótkendeı, «qazaq tili – tutas ulystyń ortaq tiline aı­naldy». Bul – táýelsizdiktiń basty jetistigi. О́ıtkeni, táýel­sizdikpen birge qaıta túlegen tilmen birge, ulttyq sanamyz túledi. Al alda atqarylar is budan da aýqymdy. Endigi mindet – qazaq tiliniń memlekettik til retindegi qoǵamda tolyq qoldanylýyna qol jetkizý baǵytynda tıisti memlekettik organdar men qoǵamdyq uıym, birlestikter arasyndaǵy birlesken jumysty jańa sapalyq deń­geıge kóterý, ulttyq múddege qyzmet etetin ulttyq ıdeıany tereńdetý, «sannyń artýy men sananyń ornyǵýyna» bastaı­tyn tyń qadamdar jasaý. So­nymen birge, qazaq tilin azat eldiń halyqaralyq deńgeıdegi básekege qabiletti, táýelsiz tili etý jolynda barlyq qazaq­standyqtardyń jumyla eńbek etýi, ár alash balasynyń «ult úshin degen uly iske» (A.Baıtursynuly) ún qosýy shart. Erine súıeý bolar elimiz, eline tireý bolar erimiz aman bolsa, táýelsizdik tuǵyry týǵan tilimiz de máńgi jasaıtyny sózsiz. Bolat JEKSENǴALIEV, Halyqaralyq «Qazaq tili» qoǵamy» qoǵamdyq birlestigi Batys Qazaqstan oblystyq fılıaly basqarmasynyń tóraǵasy, «Aǵartýshy» memlekettik tildi oqytý ortalyǵynyń dırektory.