Aqtóbede «7 – 20 – 25» baǵdarlamasyna 100-ge tarta adam ótinish tapsyrǵan

Aqtóbede baǵdarlama sharttary men talaptaryna saı 100-ge tarta adam ótinish tapsyrǵan, olardyń on prosentke jýyǵy nesıe alyp úlgergen. Aqtóbe qa­la­synda «7 – 20 – 25» memlekettik-ıpo­tekalyq baǵdarlamasyn júzege asyrýǵa ekinshi deńgeıli 8 bank tartylǵan. Sonyń ishinde «Bank sentr kredıt» fılıalynyń belsendi ekeni baıqalady. Bul nesıe alýshylardyń deni osy bank­ti tańdaǵanynan kórinedi. Aqtó­be qalalyq turǵyn úı qa­ty­nas­tary bóliminiń basshysy Janar­gúl Dúısekenovanyń aıtýyn­sha, atalǵan bank arqyly nesıe alýǵa tilek bildirgenderge 51 mıl­lıon 452 myń teńge nesıe beril­gen. 50-den astam adamnyń ótini­shi qaralyp, bank tarapynan olar­dyń tólem qabiletteri rastal­ǵan. Onyń mólsheri 361 mıl­lıon teńgege teń. Taıaý arada 55 adamǵa 456 mıllıon 137 myń 600 teńgeniń nesıesin berý kózdelip otyr. 

О́ńirde «7-20-25» ıpotekalyq baǵ­darlamasyna qatysýǵa tilek bildirýshiler qatarynyń óse túsý sebebi ekinshi deńgeıli bankter men kásiporyn ókilderi, qurylys kompanııalary arasyndaǵy ózara baılanystardyń oń jolǵa qoıylǵanynda deýge bolady. Bul baǵytta baǵdarlama baǵyttaryn jurtshylyqqa túsindirý úshin qolǵa alynǵan sharalar men ak­sııa­lardyń yqpaly da aıtarlyqtaı. 

«7 – 20 – 25»  baǵdarlamasynyń eki artyqshylyǵyn aıta ketken jón. Birinshiden, qurylysy aıaqtalyp, ázir turǵan úıdi satyp alý múmkindikteri barynsha mol. Baspanany qalanyń qaı tusynan kóp qabatty úıdiń qaı qabatynan nemese qandaı qurylys kompanııasy salǵan úıdi tańdaý qajettigin ár adam ózi sheshe alady. Ekinshi artyqshylyq − «7 – 20 – 25» ıpotekalyq baǵdarlamasy aıasynda úı, páter kezegine turýdyń qajeti joq. Eń bastysy, sońǵy alty aıdaǵy kiristiń mólsheri kór­setilgen anyqtama bolsa bolǵany. Buǵan qosa óz atynda basqa úı men jyljymaıtyn múliktiń tirkel­megenin rastaý kerek.

Osy materıaldy ázirleý barysynda Aqtóbe qalasynyń ákimi Ilııas Ispanovqa jolyǵyp, oblys ortalyǵynda atalǵan baǵdarlamanyń júzege asý barysyn suraǵan edik. 

− Respýblıka turǵyndarynyń áleýmettik-turmystyq jaǵ­daıyn odan ári jaqsartý − Memle­ket basshysy Nursultan Nazar­baev júrgizip otyrǵan salıqa­ly saıasattyń basym baǵytta­ry­­nyń biri. О́zgesin aıtpaǵan­da, El­basynyń «Bes áleýmet­tik bas­tamasynyń» biri ár otbasy­na baspana alýdyń jańa múmkin­dik­terin qarastyrý boldy. Bul rette «7 – 20 – 25» ıpoteka­lyq baǵdarlamasy men «Nurly jer» mem­lekettik turǵyn úı baǵdarla­masy birin-biri tolyqtyra tústi. Eki baǵdarlama turǵyndarǵa qol­je­timdi baǵa boıynsha az ýaqyt ara­lyǵynda baspanaly bolýǵa múm­kindik beredi, qujattardy ázir­leýge ári ketkende eki-úsh apta ǵana ýaqyt ketedi. Sondyqtan da búginde Aqtóbe qalasynda turǵyn­dar­dy pátermen qamtýdyń basty arnasyn osy baǵytqa buryp otyrmyz, − dedi I.Ispanov. 

Joǵaryda «7 – 20 – 25»-tiń ózge baǵdarlamalardan eki ar­tyq­shylyǵyn aıttyq. Buǵan qo­sa onyń úshinshi artyqshy­ly­ǵyn da qosa aıta ketkimiz keledi. Atalǵan baǵdarlama sheńberinde jetim balalardyń da jańa baspanaǵa qol jetkizý múmkindigi bar. Osy oraıda, Aqtóbede ózge óńirler úshin úlgi bolarlyqtaı tájirıbe qa­lyptasqan. Iаǵnı qazirdiń ózin­de óńirde «7 – 20 – 25» baǵdar­lamasyna sáıkes jetim balalardyń banktegi esepshottaryna qarjylaı sertıfıkattar berilýde. Qobda otbasylyq úlgidegi balalar úıiniń tárbıelenýshi túlegi Tımýr Akıev kúni keshe «7 – 20 – 25» baǵdarlamasy aıasynda 3 bólmeli páter kiltine ıe bolypty. Otbasyn qurǵan jigit zaıyby ekeýi eki bala tárbıelep otyr eken.

«Birneshe jyl memlekettik turǵyn úı qorynda páter kezeginde turdym. Alaıda, kezegime jete almadym. Sodan soń «Turǵyn úı qurylys jınaq bankine» 2 864 000 teńge qarajat jı­naqtadym. Bul soma da baspana satyp alýym úshin azdyq etti. Osyndaı qysyltaıań sátte Aqtóbe qalasynyń ákimi Ilııas Ispanov ıpotekalyq turǵyn úı alý úshin bastapqy jarnaǵa qajetti 700 000 teńgeniń sertıfıkatyn tabys etti. Sóıtip 3 bólmeli páter kiltine ıe boldym»,  deıdi ol. 

Qysqasy, nesıe alý múmkindigi men nesıe tarıhy talaptarǵa saı kelse «7 – 20 – 25» baǵdarlamasy boıynsha rá­simdeýge jol ashyldy deı berińiz. Atalǵan baǵdar­la­ma­nyń osy qarapaıym da túsinikti sharttary aqtóbelikterdi erekshe yntalandyryp otyr. Oblys ortalyǵynda «7 – 20 – 25» baǵdarlamasyna sáıkes turǵyzylyp jatqan sándi de sapaly qurylystar turǵyndar tilegin tolyǵymen óteı alady. 

Temir QUSAIYN,

«Egemen Qazaqstan»

AQTО́BE