«Alakól-2018» jazǵy kásipodaq lageri ótti

Aǵymdaǵy jyly elimizdiń Kásip­odaqtar federasııasy bastaýysh kásip­odaq uıymdarymen ózara baıla­nysqa ne­gizdelgen birqatar aýqymdy táji­rı­belik is-sharalar ótkizýde. «Alakól-2018» jaz­ǵy kásipodaq lageri de fede­ra­sııa­nyń kásip­odaq júıesi úshin osy jaz­dyń bas­ty oqıǵalarynyń biri deýge boldy. 

Jazǵy lagerde kásipodaq qozǵaly­synyń 100-den astam belsendisi arnaıy oqýdan ótti. Olardyń ishinde jańadan qurylǵan «SENIM» densaýlyq saqtaý qyzmetkerleriniń salalyq kásipodaǵy, bilim jáne ǵylym qyzmetkerleriniń salalyq kásipodaǵy, mádenıet, sport jáne aqparat qyzmetkerleriniń salalyq kásipodaǵynyń músheleri boldy.

Jazǵy lager aıasynda Qazaqstan Kásipodaqtar federasııasy tóraǵasynyń orynbasary Erlan Saırov, «SENIM» densaýlyq saqtaý qyzmetkerleriniń salalyq kásipodaq tóraǵasy Saparbek Dúısenov, Shyǵys Qazaqstan oblysy kásipodaqtar ortalyǵynyń tóraǵasy Meıirhan Tileýbaev qatysýshylar aldynda sóz sóıledi. 

Erlan Saırov óz sózinde Qazaqstan kásipodaqtar federasııasynyń elimizdegi kásipodaq uıymdarynyń jumys sapasyn jan-jaqty damytýdy jáne jaqsartýdy kózdeıtinin jetkizdi. «Kásipodaqtar qyz­met­ker­leri belsendi jáne jan-jaqty bi­lik­ti mamandar bolýy tıis. Belsendi aq­­­pa­rat­­tyq jumys – kásipodaqtar qyz­me­ti­niń mańyzdy bóligi. Shynynda bul ma­­ńyz­­­dyl­yǵy jaǵynan kásipodaq jumy­sy­­nyń dástúrli baǵyttaryna teń keletin, jar­ǵylyq mindetterdi sheshýdiń ajyra­maı­­tyn bóligi. Aqparattyq jumys kásip­odaq múshesine kásipodaqqa múshelikke sa­na­ly kózqarasqa ıe bolýy úshin qajetti to­lyq málimet berýi tıis» dep atap ótti Kásip­odaq­t­ar federasııasy tóraǵasynyń orynbasary.  

Atqarýshy bılik ókilderinen Shyǵys Qazaqstan oblysy ákiminiń orynbasary Ásem Núsipova, Memlekettik eńbek ıns­peksııasy basqarmasynyń basshysy Baqytbek Qızatov sóz sóıledi. 

«Kásipodaqtar áleýmettik-eńbek qatynastaryn sheshýdiń mańyzdy býyny. Jumysshylardyń ál-aýqaty men áleýeti, olardyń áleýmettik kepili men quqyǵynyń qorǵalýy tek kásipodaq­tardyń belsendiligine baılanysty», dedi Á.Núsipova. 

Sondaı-aq qoldanbaly ǵylym sek­tory­­­nyń ókilderi de óz tájirıbe­lerimen bó­lis­ti. Olardyń arasynda Academy of la­bo­ur relations JShS bas dırektory Bı­bi­gúl Nurasheva jáne basqa da ǵalymdar bar.

«Alakól-2018» jazǵy lageri aıasynda taqyryptyq trenıngter, tımbıl­dıng jáne basqa da sharalar uıymdastyryldy. 

2018 jyldyń basynan bastap Kásip­­odaq­­tar federasııasy basta­ýysh kásip­odaq uıymdarymen ózara baıla­nysqa jáne jumys júrgizýge basa nazar aýdarý­da. Se­bebi kásipodaqtar qozǵa­lysynyń jáne jumys toptarynyń máse­leleri men su­ra­nystarynyń bar­lyq spektri bastaýysh kásipodaq uıym­darynda shoǵyrlanǵan. 

Bıyl QRKF basshylyǵy federasııa qyzmetiniń jańa saıasaty men Jol kar­tasy­nyń negizgi baǵyttaryn túsindirý maq­satynda elimizdiń barlyq óńirine ju­mys sa­parymen bardy. 2018 jylǵy qań­tar-shilde aılarynyń aralyǵynda ba­staýysh kásipodaq uıym­darymen 139 kezdesý ótti. 

Azamat QASYM,

«Egemen Qazaqstan»

Shyǵys Qazaqstan oblysy