Jurtshylyqpen keleli kezdesý

Nurotandyqtar keshe pavlodarlyqtarǵa ózderiniń saılaýaldy tuǵyrnamasyn ta­nys­tyrdy.  Ol «Qazaqstan. 2017 maqsat­ta­ry. Jańa is-qımyl jospary» dep atalady. Jalpy, el Prezıdentiniń salıqaly saıasa­ty­nyń nátıjesinde Otanymyz 20 jyl ishinde tolaǵaı tabystarǵa qol jetkizdi. Áýeli partııa ókilderi sońǵy jyldardaǵy jetistikterimizge toqtalyp, ile-shala ózde­ri­niń tuǵyrnamalaryna qaraı oıysty. Ondaǵy basym baǵyt­tardyń biri – ekono­mı­ka­ny damytýdyń jańa ólshemderi. Ekono­mı­kalyq ósýdiń basty nátıjesi – kiris­ter­diń ósýi. Aldaǵy 5 jylda IJО́ kólemi 15 myń AQSh dol­laryna deıin jetedi. Partııa 2017 jylǵa deıin ana men bala ólimin 1,5 esege deıin tómendetýdi maqsat etip otyr. Memleket áleýmettik járdemaqy kólemin birtindep ósirip, al áleýmettik kómek pen zeınetaqy­nyń arqaýlyq kólemin kúnkóris deńgeıinen 60 paıyzǵa deıin ósiretin bolady. Respýblıkalyq shtab ókilderi baǵdar­lamalyq qujattyń negizgi baǵyttaryn «Dos­tyq úıine» kelip, etnomádenı birlestikter ókilderimen talqylady. Qala orta­lyǵyndaǵy sáýletti ǵımarattyń keń za­lynda balalardyń óz halqynyń tilin, ádet-ǵurpyn úırenýge múmkindik beretin Ulttyq jańarý mektebi ornalasqan. Búgingi kezdesýde etnomádenı birlestikter ókilderi El­ba­sy saıasaty men partııanyń júrgizip otyrǵan jumysyna keń qoldaý bildirdi. Nurotandyqtardyń taǵy bir kezdesýi oblys ortalyǵyndaǵy bir aýlada ótti. Aıta keterligi, 20 jylda oblys ortalyǵy ózger­di, jaqsardy, jańa záýlim úıler boı kó­terdi. Turǵyn úı-kommýnaldyq sharýashy­ly­ǵyn jańǵyrtý baǵdarlamasy boıynsha eski úılerdi jóndeý jumysy da bastalyp ketti. Qalalyqtar barlyq oń ózgeristerdi Prezıdenttiń atymen baılanystyrady. Sapar barysyn qorytyndylaǵan «Nur Otan» HDP Tóraǵasynyń birinshi oryn­basary, respýblıkalyq qoǵamdyq shtab jetekshisi Nurlan Nyǵmatýlın: «Nur Otan» partııasy búkil elimiz biletin naǵyz halyqtyq partııa bolǵandyqtan, biz úshin osyndaı kezdesýlerdiń orny da erekshe, mańyzy da zor. Sebebi, partııamyzdyń saılaýaldy tuǵyrnamasyn jáne barlyq memlekettik baǵdarlamalardy oryndaý úshin osy kezdesýlerde aıtylǵan usynys­tarǵa nazar aýdaratyn bolamyz, – dedi. Farıda BYQAI. PAVLODAR.