Búgin Qyzylorda qalasynda aýyl jasóspirimderiniń respýblıkalyq II jazǵy sport oıyndary bastalady.
Tórt jylda bir ret ótkiziletin sporttyq oıynǵa oblystardyń qurama komandalary qatysady. Oıyn baǵdarlamasynda ulttyq, buqaralyq jáne olımpıadalyq sport túri engizilgen. Dúbirli dodada respýblıkanyń 14 oblysynan 2000-ǵa jýyq 2001-2003 jyldary týylǵan aýyl sportshylary baq synasady.
Saıys sporttyń 10 túrinen voleıbol, shaǵyn-fýtbol, qazaq kúresi, toǵyzqumalaq, erkin kúres, asyq atý, grek-rım kúresi, dzıýdo, taekvondo, gandboldan ótedi.
Prezıdent N.Á.Nazarbaevtyń «Bolashaqqa baǵdar: rýhanı jańǵyrý» atty maqalasyn iske asyrý, salaýatty ómir saltyn nasıhattaý, aýyldyq jerdegi jasóspirimderdi dene shynyqtyrý jáne sportpen júıeli shuǵyldanýǵa tartý, úzdik sportshylardy anyqtaý, sport rezervin daıarlaý maqsatynda Sport kúnine oraılastyryp ótip jatqan báseke 21 tamyz kúni aıaqtalady.