Sátbaev qalasy ákiminiń orynbasary para alǵan bolýy múmkin.
Qaraǵandy oblysy Sátbaev qalasy ákiminiń orynbasarynyń para alǵany áshkere boldy. Ol jaqyn aýdandardyń turǵyndaryn kóshirý úshin turǵyzylýy tıis bolǵan eki jataqhananyń qurylys jumystary boıynsha qujattarǵa qol qoıý úshin jeke uıymnyń ókilinen 100 myń teńge para aldy degen kúdik bar, dep habarlaıdy Memlekettik qyzmet isteri jáne sybaılas jemqorlyqqa qarsy is-qımyl agenttiginiń baspasóz qyzmeti.
Ákimniń orynbasary kinásin tolyq moıyndaǵandyqtan qamaýǵa alynbaǵan.
Sonymen qatar, vedomstvo málimetinshe, Selınograd aýdanynyń burynǵy ákimine qatysty nemquraılylyq faktisi boıynsha tergeý amaldary bastalǵan. Ol óziniń laýazymdy qyzmetin paıdalana otyryp, jaýapkershiligi shekteýli seriktestikke aýdan aýmaǵyna tıesili 50 gektar jer telimin jekemenshikke berý týraly zańsyz qaýlyǵa qoıǵan. Sonyń saldarynan memlekettik zańdy múddeli aıtarlyqtaı buzylǵan.
Munan bólek, Pavlodar oblysynda Aqsý qalasyna qarasty Qalqaman aýyldyq okrýginiń ákimi ózine baǵynyshty bas mamanmen aldyn ala ymyralasyp, JShS ókilinen ákimdiktiń ákimshilik ǵımaratynda tólem termınalyn jaldaý jáne ornatý kelisimshartyn jasasqany úshin 50 myń teńge kóleminde para aldy degen kúdikke ilikken.
Almaty oblysyna qarasty Baıserke aýyldyq okrýgi ákiminiń burynǵy orynbasary da óziniń qyzmettiń ókilettigin asyra baıdalan otyryp, oblys turǵyndarynyń birine jer telimin jeke sharýa qojalyǵyn júrgizý úshin bergen. Al óńirdiń bas josparyna sáıkes, atalǵan jer telimi avtomobıl turaǵyna arnalǵan. Osylaısha ol memleketke 496 myń teńge shyǵyn keltirgen.
Joǵaryda atalǵan fakti boıynsha sotqa deıingi tergeý amaldary júrgizilýde.