Saltanatty jıynǵa Mańǵystaý oblysy ákiminiń orynbasary Rýslan Sákeev, memlekettik organdardyń, óńirdegi iri kásiporyndardyń basshylary jáne qurylys salasynyń ardagerleri qatysty.
Qazirgi tańda Mańǵystaý oblysy qurylys qarqyny boıynsha Astana jáne Almaty qalalarymen birge úzdik úshtikke enip otyr. 2017 jyldyń qorytyndysy boıynsha qurylys jumystarynyń kólemi 197 mlrd. teńgeni qurasa, paıdalanýǵa berilgen turǵyn úı kólemi 833,022 myń sharshy metrdi qurady. 2018 jyldyń 6 aıynyń qorytyndysy boıynsha qurylys jumystarynyń kólemi 75 mlrd. teńge nemese byltyrǵy jyldyń 6 aıymen salystyrǵanda 119%, al turǵyn úı kólemi 649 myń sharshy metr nemese 128% boldy.
Aqtaý qalasynyń 33 shaǵyn aýdanyndaǵy qurylysy kóp jyldar buryn bastalǵan turǵyn úılerdiń 1-kezeńi aıaqtalyp tapsyrylsa, «Oblystyq onkologııalyq ortalyq», Aqtaý qalasyndaǵy №2 kanalızasııalyq-tazartý ǵımaraty, «Ana men bala ortalyǵy» sııaqty nysandardyń qurylysy qolǵa alyndy.
«Nurly jer» memlekettik baǵdarlamasy aıasynda jalǵa beriletin turǵyn úı qurylysy boıynsha Munaıly jáne Qaraqııa aýdandarynda 312 páterdi quraıtyn turǵyn úılerdiń qurylysy júrgizildi.
«Oblys ákimi Eraly Toǵjanovtyń tapsyrmasymen «Sıfrlyq Qazaqstan» baǵdarlamasyna sáıkes, respýblıkada alǵash bolyp, árqaısysy 72 páterlik, 9 qabatty 4 úıdi aqparattyq modeldeý nemese VIM-tehnologııamen jobalaýǵa tapsyrys berildi. Bul tehnologııa salynatyn nysannyń qurylysynyń tolyq aqparattyq sıpattamasyn jasaýǵa múmkindik berip qana qoımaı, jalpy shyǵyndardy 15%-ǵa deıin qysqartýǵa jáne de barlyq baqylaý júıesin avtomattandyrýǵa múmkindik beredi. Tutastaı alǵanda, qurylys salasyn aqparattyq modeldeý tehnologııasy aqparatty basqarý prosesteriniń durystyǵyn qamtamasyz etetin bolady» , dedi Mańǵystaý oblysy ákiminiń orynbasary R.Sákeev.
Shara barysynda óńirdiń qurylys salasynyń damýyna zor úlesin qosqany úshin Qazaqstan Respýblıkasy Investısııalar jáne damý mınıstrliginiń «Qurmetti qurylysshy» tósbelgisimen Meırambek Qymbatov - «Bısentın» JShS bas ınjeneri, Vera Efımenko, Gıdjran Gabıbov -«Le Pes»JShS proraby, Galına Kım - «Alıans LTD» JShS dırektory, Medeý Kenjetaev -«Aıkom LTD» JShS qurylys ýchaskesiniń bastyǵy, Suńǵat Muńalbaev - «Aktaý BS Stroı» JShS bas dırektory marapattaldy. Sondaı-aq, úzdik qurylysshylarǵa Qazaqstan Respýblıkasy Investısııalar jáne damý mınıstrliginiń Qurmet gramotasy men Alǵys haty, Qazaqstan Respýblıkasy Investısııalar jáne damý mınıstrliginiń, Qurylys jáne turǵyn úı kommýnaldyq sharýashylyq isteri komıtetiniń Alǵys haty tabystaldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy