Shyǵys Qazaqstan oblystyq «Halıfa Altaı» meshitiniń naıb ımamy Dáýlet Tileýhanuly musylman qaýymynyń ulyq merekesi - Qurban aıt meıramyna oraı baspasóz máslıhatyn ótkizdi.
«О́ńirdegi barsha musylmannyń esine salar bir jaıt, qurban shalý tek aıt namazy oqylǵan soń baryp qana júzege asyrylady. Budan erterek shalynsa, qurbandyq shalǵan bolyp eseptelmeıdi. Shyǵys Qazaqstan boıynsha barlyq jerde aıt namazy tańǵy saǵat jetide oqylady. Bıyl oblystyq meshittiń aýlasyna arnaıy úsh kıiz úı tigilip, baýyrsaq tegin taratylady, túrli oıyn-saýyqtyq sharalar uıymdastyrylyp, sporttyq jarystar ótkiziledi. Bıyl biz Qurban aıt merekesin toılaýdy qaıyrymdylyq jasaýdan bastadyq. Eń aldymen mereke aldynda «Kóktaýdaǵy» «Úmit» balalar úıindegi 200-den astam balaǵa qaıyrymdylyq kórsetip, dastarhan jaıdyq, túrli tátti-dámdilerdi syıǵa tarttyq», - degen D.Tileýhanuly merekeniń úshinshi kúninde úsh júzdeı adamǵa qurbandyq etin taratýdy, «Mektepke jol» aksııasy aıasynda 200 balaǵa kómek kórsetýdi josparlap otyrǵandaryn jetkizdi.
Qurban shalý kezinde meılinshe tazalyqqa mán berilmek. Úıde shalynsa taza jerge shalyp, basyn qubylaǵa qaratý kerek, pyshaq meılinshe qaıralǵan ótkir bolǵany, maldyń qınalmaǵany durys. Arnaıy qasapshylar qyzmeti de bolady. Quqyq qorǵaý salasynyń ókilderi de ol jerde úsh kún boıyn kezekshilik jasaıdy. Onyń ústine Qazaqstan musylmandary dinı basqarmasynyń О́skemen óńiri boıynsha ókil ımamy, oblystyq Halıfa Altaı meshitiniń bas ımamy Ermek qajy Muqataı óńirdegi mal ósiretin sharýashylyq ıelerine qurbandyqqa soıylatyn maldyń baǵasyn tym qymbattatpaı, ortasha baǵada saýdalaýǵa úndeý tastaǵan. «Qurbandyq shalýdyń maǵynasy Allaǵa jaqyndaý degendi bildiredi. Alla taǵalaǵa bizdiń malymyzdyń eti, qany qajet emes, bizdiń shynaıy nıetimiz qajet. Qurbandyq qubylaǵa qaratyp shalynady. Eń bastysy, ysyrapshyldyqqa jol berilmeý kerek. Etin alyp basyn, sıraǵyn terisin, ishek-qarnyn tastap ketpeý kerek. Terisin ótkizip, aqshasyn qaıyrymdylyqqa jumsasa, ol da durys bolady. Sondaı-aq, qaryzǵa mal alyp shalǵan da durys bolmaıdy, odan da kelesi jyly aqsha jınap, óz nıetińmen qurbandyq shalǵan durys. Qurbandyqqa eki jastan asqan qoı, iri qara mal, bes jastan asqan túıe soıylady. Sıyr men túıeni jeti otbasyǵa deıin birigip shalady, ettiń úshten birin adamdarǵa taratqan durys», – deıdi naıb ımam.
Azamat QASYM,
«Egemen Qazaqstan»
О́SKEMEN