Memleket basshysy nan jáne makaron ónimderin shyǵarý jónindegi sehty aralap kórip, osy jerde óndiriletin daıyn ónim úlgilerimen tanysty, dep habarlaıdy akorda.kz.
Sonymen qatar, Qazaqstan Prezıdentine Atyraý oblysyndaǵy ınvestısııalyq jobalar kórsetildi. Atap aıtqanda, qýaty 52 megavatt bolatyn jel elektr stansııasy, ystyq kúıinde myrysh jalatý sehy, robot arqyly dánekerleý ádisin qoldana otyryp, metall konstrýksııalaryn, karbon negizindegi qýatty kabel, krekıng katalızatorlaryn óndirý jónindegi kásiporyndar, farmasevtıka zaýyty, qysymdy ólsheýge arnalǵan qurylǵylar shyǵaratyn zaýyt, qus fabrıkasy, aýmaǵy 20 gektar bolatyn jylyjaı jáne basqa da jobalar bar.
«Dáýlet» jeke ındýstrııalyq aımaǵy – kóp salaly zamanaýı kásiporyn. Onyń quramynda nan jáne kondıterlik ónimder óndiretin «Dáýlet Nan» zaýyty, aýyz sý daıyndaıtyn seh, «Raıhan» sharýa qojalyǵy, makaron ónimderin óndiretin seh, dıirmen, et kombınaty, tigin sehy, sondaı-aq asfaltbeton zaýyty jumys isteıdi.
«Dáýlet» jeke ındýstrııalyq aımaǵynda 244 jumys orny ashylǵan.