Uıym ókilderimen júzdesti

Almaty qalasynda EQYU-nyń Qazaqstandaǵy ókilderi men «Rýhanııat» partııasy múshe­leri­niń arasynda kezdesý bolyp, resmı otyrysty «Rýhanııat» par­tııa­synyń tóraǵasy Serikjan Mám­betálın júrgizdi. Kezdesý barysynda taraptar ózara pikir almasyp, búgingi álem­dik jáne elishilik saıası baǵdar týrasynda kózqarastarymen bó­lis­ti. Serikjan Mámbetálın saılaý kezekten tys belgilense de, «Rýhanııat» partııasy úgit-na­sı­hat naýqanyn qajyrly júrgizip jatqanyn aıtyp, saılaýaldy sharalar jóninde: «M.Shahanov – sońǵy qyryq jyl boıy ulttyq-patrıottyq is-sharalardyń orta­syn­da júrgen azamat. Jınaǵan bedeli bizdiń reıtıngimizdi kúrt ósirdi. Bul basqa partııalardyń al­dyndaǵy ózgesheligimiz», dep atap ótti. «Rýhanııat» partııasy atynan Parlament Májilisi depýtatty­ǵy­nan úmitker Serikhan Jaqypov úgit-nasıhat jumysyn júrgizýge ýaqyttyń jetkiliksizdigin, saı­laý­aldy naýqany birneshe meıramdarmen sáıkes kelip, saılaý­shy­larmen kezdesýge ýaqyttyń tapshylyǵyn jáne qarjynyń az­dyq etip jatqandyǵyn málimdedi. «Buǵan deıingi saılaýlarda qarjy memleket tarapynan bólinetin. Partııalyq tizimdegi kóptegen azamattar úshin 240 myń teńge tabý qıyndyq týdyrdy. Shet aımaq­tar­ǵa jasalǵan saparlarǵa jum­sa­latyn qarjyny da árkim óz qal­ta­synan tólep otyr», dedi biraz má­selelerge toqtalǵan S.Jaqypov. Serikjan Mámbetálın EQYU ókilderinen saılaýdyń ádil ótýin qadaǵalap, Or­ta­lyq saılaý ko­mıs­sııasy men saılaýshylar arasynda dáneker bolýyn surady. Budan bólek, «Rýhanııat» par­tııa­synyń negizgi elektoraty aýyldy jerlerde, shalǵaı aımaqtarda or­nalasqandyqtan, úmitkerler men jergilikti basqarý qyzmetkerleri arasynda keıbir kelispeýshilikter týyndaǵanyn da aıtyp ótti. Qanat ESKENDIR.