Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 31 qazandaǵy №1246 qaýlysymen bekitilgen
Tutynýshylarǵa jáne ózge de múddeli tulǵalarǵa rettelip kórsetiletin qyzmetterdi (taýarlardy, jumystardy) usyný jónindegi tabıǵı monopolııa sýbektisiniń qyzmeti týraly jyl saıynǵy esepti ótkizý qaǵıdalary
1. Jalpy erejeler
1. Osy Qaǵıdalar «Tabıǵı monopolııalar jáne retteletin naryqtar týraly» Qazaqstan Respýblıkasynyń 1998 jylǵy 9 shildedegi Zańyna sáıkes ázirlengen jáne tutynýshylarǵa jáne ózge de múddeli tulǵalarǵa rettelip kórsetiletin qyzmetterdi (taýarlardy, jumystardy) usyný jónindegi tabıǵı monopolııalar sýbektisiniń qyzmeti týraly jyl saıynǵy esepti ótkizý tártibin belgileıdi. 2. Osy Qaǵıdalardyń maqsaty tutynýshylar quqyǵyn qorǵaý júıesin kúsheıtý, tutynýshylarǵa jáne ózge de múddeli tulǵalarǵa tabıǵı monopolııalar sýbektileri qyzmetiniń ashyqtyǵyn qamtamasyz etý bolyp tabylady. 3. Tutynýshylarǵa jáne ózge de múddeli tulǵalarǵa rettelip kórsetiletin qyzmetterdi (taýarlardy, jumystardy) usyný jónindegi tabıǵı monopolııa sýbektisiniń qyzmeti týraly jyl saıynǵy esep (budan ári – jyl saıynǵy esep) tyńdaý nysanynda ótkiziledi. 4. Osy Qaǵıdalarda paıdalanylatyn anyqtamalar men termınder tabıǵı monopolııalar týraly zańnamada belgilengen mánderde qoldanylady. 5. Jyl saıynǵy esepterdi ótkizý qaǵıdattary: 1) jarııalylyq; 2) tabıǵı monopolııa sýbektileri qyzmetiniń ashyqtyǵy; 3) tutynýshylar men tabıǵı monopolııalar sýbektileri múddeleriniń teńgerimin saqtaý. 6. Jyl saıynǵy esep boıynsha alda bolatyn tyńdaý týraly habarlandyrýdy Tabıǵı monopolııalar sýbektileriniń memlekettik tirkeliminiń jergilikti bólimine engizilgen tabıǵı monopolııa sýbektisi aptasyna keminde úsh ret shyǵatyn merzimdi baspasóz basylymynda, al Tabıǵı monopolııalar sýbektileriniń memlekettik tirkeliminiń respýblıkalyq bólimine engizilgen tabıǵı monopolııa sýbektisi aptasyna keminde úsh ret shyǵatyn jáne Qazaqstan Respýblıkasynyń búkil aýmaǵyna taralatyn merzimdi baspasóz basylymynda on bes jumys kúninen keshiktirmeı jarııalaıdy jáne ol: 1) tabıǵı monopolııa sýbektisiniń ataýy men ornalasqan jerin; 2) jyl saıynǵy esepti ótkizý kúni men ornyn; 3) rettelip kórsetiletin qyzmetterdiń (taýarlardyń, jumystardyń) túrin qamtýǵa tıis. 7. Tabıǵı monopolııa sýbektisi jyl saıynǵy esepti ótkizgenge deıin bir aı buryn ýákiletti organdy habardar etedi. 8. Jyl saıynǵy esep boıynsha alda bolatyn tyńdaý týraly habarlandyrý jarııalaǵannan keıin tabıǵı monopolııa sýbektisi jyl saıynǵy esepti ótkizgenge deıin tutynýshylar jáne (nemese) ózge de múddeli tulǵalardyń jazbasha talaby boıynsha osy Qaǵıdalardyń 13-tarmaǵynda kórsetilgen aqparatty tıisti suratý túsken kezden bastap úsh jumys kúni ishinde usynady. 9. Tabıǵı monopolııalar sýbektisi tabıǵı monopolııa sýbektisiniń jyl saıynǵy esebin tyńdaýǵa qatysýǵa tilek bildirgenderdiń barlyǵynyń tyńdaý ótetin orynǵa kirýin qamtamasyz etedi. Eger tyńdaý ruqsattamalyq jáne basqa da arnaıy rejımi bar ǵımarattarda ótkizilgen jaǵdaıda, tabıǵı monopolııalar sýbektisi habarlandyrýda tyńdaýshylardyń tizimin aldyn ala qalyptastyrý, onyń merzimi tyndaý ótkizilgenge deıin 24 saǵat buryn aıaqtalatyny týraly kórsetýge mindetti. Eger esep demalys kúninen keıingi jumys kúninde ótkiziletin bolsa, onda esep kúnniń ekinshi jartysynda júrgizilýi kerek, al tyndaýshylar tizimin qalyptastyrý jumys kúniniń birinshi jartysynda tyńdaý ótetin kúni saǵat 12.00 deıin aıaqtalýy kerek.2. Jyl saıynǵy esepti ótkizý tártibi
10. Jyl saıynǵy esepti tyńdaýdy tabıǵı monopolııa sýbektisi ózi belgilegen úı-jaıda ótkizedi. Tabıǵı monopolııa sýbektisi tyńdaýdy eseptiden keıingi jyldyń 1 mamyryna deıin etkizedi. 11. Jyl saıynǵy esepti ótkizý úshin tabıǵı monopolııa sýbektisi basshylarynyń ishinen tyńdaýdyń Tóraǵasy taǵaıyndalady. Tyńdaýdyń Tóraǵasy tabıǵı monopolııa sýbektisi qyzmetkerleriniń ishinen hattama júrgizetin hatshyny taǵaıyndaıdy. 12. Tóraǵa taǵaıyndalǵan ýaqytta tyńdaýdy ashýǵa, onyń maqsatyn jáne kún tártibin jarııalaýǵa tıis. 13. Tabıǵı monopolııa sýbektisiniń esebi mynadaı: 1) onyń ishinde ýákiletti organ bekitken ınvestısııalyq baǵdarlamalardy jáne (nemese) ınvestısııalyq jobalardy atqarý týraly; 2) esepti kezeńdegi tabıǵı monopolııa sýbektisi qyzmetiniń negizgi qarjy-ekonomıkalyq kórsetkishteri týraly; 3) esepti kezeńdegi usynylǵan rettelip kórsetiletin qyzmetterdiń (taýarlardyń, jumystardyń) kólemderi týraly; 4) rettelip kórsetiletin qyzmetterdi (taýarlardy, jumystardy) tutynýshylarmen júrgiziletin jumys týraly; 5) esepti kezende ýákiletti organ bekitken tarıftik smetanyń árbir bap boıynsha oryndalýy týraly; 6) qyzmettiń perspektıvasy (damý josparlary), onyń ishinde rettelip kórsetiletin qyzmetterdiń (taýarlardyń, jumystardyń) tarıfteri týraly aqparatty qamtýǵa tıis. О́z sózinde tabıǵı monopolııa sýbektisi tutynýshylarǵa rettelip kórsetiletin qyzmetterdi (taýarlardy, jumystardy) usyný sapasy jóninde egjeı-tegjeıli túsindirme berýge tıis. Tutynýshylar men ózge de múddeli tulǵalardyń aldynda esep beretin tabıǵı monopolııa sýbektisiniń atynan birinshi basshy ne birinshi basshynyń mindeti atqarý júktelgen tulǵa sóz sóıleýge tıis. 14.Tyńdaýǵa qatysýshylar qaralyp otyrǵan máseleler boıynsha ózderiniń kózqarastaryn aıta alady, sóz sóıleýshilerge suraqtar qoıa alady, ózderiniń sózderinde kómekshi materıaldardy (plakattardy, kestelerdi jáne basqa da) paıdalana alady jáne hattamaǵa jazbasha túrdegi sózin qosa bere alady. 15. Tyńdaýǵa qatysýshylardyń aıtylǵan pikirleri usynymdyq sıpatta bolady. 16. Tyńdaýdy ótkizý kezinde tártip buzǵan tulǵaǵa tyńdaý Tóraǵasy eskertý jasaıdy. 17. Tyńdaýdyń Tóraǵasy qorytyndy shyǵarady jáne tyńdaýdy jabady. 18. Tyńdaýdy ótkizý prosesinde hattama jasalady. Hattama osy Qaǵıdalardyń 6-tarmaǵynda kórsetilgen aqparatty, sondaı-aq tyńdaýdyń bastalatyn jáne aıaqtalatyn ýaqyty, sóz sóılegenderdiń aty-jónderi týraly málimetti jáne sóılegen sózderiniń qysqasha mazmunyn qamtýǵa tıis. Barlyq hattamalar nómirlenedi jáne jeke papkaǵa tigiledi. 19. Tyńdaý hattamasynyń kóshirmesi tyńdaý ótkizilgennen keıin úsh kún ishinde ýákiletti organǵa usynylady. 20. Tyńdaýdyń hattamasy tyńdaý ótkizilgen kúnnen bastap úsh jyl ishinde tyńdaýdy ótkizgen tabıǵı monopolııa sýbektisiniń muraǵatynda saqtalýǵa tıis.