Qazaqstan Respýblıkasy Úkimetiniń qaýlysy №1258

2011 jylǵy 1 qarasha, Astana, Úkimet Úıi «Qazaqstan Respýblıkasyndaǵy sot-saraptama qyzmetin lısenzııalaý erejesin jáne sot-saraptama qyzmetine qoıylatyn biliktilik talaptaryn bekitý týraly» Qazaqstan Respýblıkasy Úkimetiniń 2010 jylǵy 4 maýsymdaǵy №511 qaýlysyna ózgerister engizý týraly Qazaqstan Respýblıkasynyń Úkimeti qaýly etedi: 1. «Qazaqstan Respýblıkasyndaǵy sot-saraptama qyzmetin lısenzııalaý erejesin jáne sot-saraptama qyzmetine qoıylatyn biliktilik talaptaryn bekitý týraly» Qazaqstan Respýblıkasy Úkimetiniń 2010 jylǵy 4 maýsymdaǵy №511 qaýlysyna (Qazaqstan Respýblıkasynyń PÚAJ-y, 2010 j., №36, 296-qujat) mynadaı ózgerister engizilsin: taqyryby mynadaı redaksııada jazylsyn: «Qazaqstan Respýblıkasyndaǵy sot-saraptama qyzmetine qoıylatyn biliktilik talaptaryn bekitý týraly»; kirispe mynadaı redaksııada jazylsyn: «Qazaqstan Respýblıkasyndaǵy sot-saraptama qyzmeti týraly» Qazaqstan Respýblıkasynyń 2010 jylǵy 20 qańtardaǵy Zańyna sáıkes Qazaqstan Respýblıkasynyń Úkimeti qaýly etedi:»; 1-tarmaqta: 1) tarmaqsha alyp tastalsyn; 2) tarmaqsha mynadaı redaksııada jazylsyn: «2) Qazaqstan Respýblıkasyndaǵy sot-saraptama qyzmetine qoıylatyn biliktilik talaptary bekitilsin.»; kórsetilgen qaýlymen bekitilgen sot-saraptama qyzmetine qoıylatyn biliktilik talaptary osy qaýlyǵa qosymshaǵa sáıkes jańa redaksııada jazylsyn. 2. Osy qaýly 2012 jylǵy 31 qańtardan bastap qoldanysqa engiziledi jáne resmı jarııalanýǵa tıis.

Qazaqstan Respýblıkasynyń  Premer-Mınıstri K.MÁSIMOV.

Qazaqstan Respýblıkasy Úkimetiniń  2011 jylǵy 1 qarashadaǵy  №1258 qaýlysyna qosymsha

Qazaqstan Respýblıkasy Úkimetiniń 2010 jylǵy 4 maýsymdaǵy №511 qaýlysymen bekitilgen

Qazaqstan Respýblıkasyndaǵy sot-saraptama qyzmetine qoıylatyn biliktilik talaptary

1. Sot-medısınalyq, sot-psıhıatrııalyq jáne sot-narkologııalyq saraptama salasynda sot-saraptama qyzmetin qospaǵanda, sot-saraptama qyzmetimen aınalysý quqyǵyna lısenzııa alýǵa ótinish bergen jeke tulǵalarǵa qoıylatyn biliktilik talaptary: 1) joǵary biliminiń bolýy; 2) mynadaı pánderden: qylmystyq, qylmystyq is júrgizý, azamattyq, azamattyq is júrgizý zańnamasynyń, ákimshilik quqyq buzýshylyq týraly zańnamanyń negizgi erejeleri; krımınalıstıka; sot saraptamasynyń quqyqtyq, ǵylymı, uıymdastyrýshylyq jáne ádistemelik negizderi; sarapta­manyń naqty túriniń ǵylymı-ádistemelik negizderi; sot saraptamasy qyzmetin aqparattandyrý negiz­deri; saraptamanyń naqty túriniń ǵylymı-ádistemelik negizderi boıynsha biliktilik emtıhandaryn tapsyrǵanyn rastaıtyn biliktilik kýáliginiń bolýy; 3) keminde bes jyl sot-sarapshylyq jumys stajynyń bolýy; 4) «Sot saraptamasynyń keıbir máseleleri» týraly Qazaqstan Respýblıkasy Úkimetiniń 2001 jylǵy 7 qarashadaǵy №1414 qaýlysymen bekitilgen sot saraptamasy óndirisi júzege asyrylatyn arnaıy jaraq­tandyrylǵan úı-jaılarǵa qoıylatyn standarttar men talaptarda kózdelgen arnaıy jabdyqtardyń bolýy; 5) narkologııalyq jáne psıhıatrııalyq uıymdarda esepte turǵany týraly málimetterdiń bolmaýy; 6) ótelmegen nemese alynbaǵan sottylyǵynyń bolmaýy bolyp tabylady.