Reseıdiń Chelıabi oblysyndaǵy Oral tankiler birlestiginiń jattyǵý alańynda «Beıbit mıssııa-2018» oqý-jattyǵý fazasy bastaldy.
«Beıbit mıssııa-2018» jattyǵýy Chelıabi oblysyndaǵy Chebarkýl polıgonynda ótip jatyr. Sharaǵa Shanhaı yntymaqtastyq uıymy elderinen úsh myńdaı áskerı qyzmetker jáne 500-ge jýyq jer jáne avıasııalyq tehnıka tartylǵan.
Qazaqstan Qarýly kúshteriniń atynan Sý-30SM eki joıǵyshy, Sý-25 eki shabýyldaýshy jáne S-295 týrbınaly-vıntti kólik ushaqtary óz qaýqaryn pash etetin bolady. Segiz jyldyq eńbek ótili bar maıor Azat Abdýlın áýede 650 saǵat ushyp úlgergen. Búgin ol SÝ-25 joıǵyshyn tizgindeıdi. Oqý-jattyǵý jumystary aıasynda basqa eldiń ushqyshtarymen birge áýede barlaý júrgizip, áskerılerdi qorǵap, áýe shabýylyn jasaýdy jetik meńgeretin bolady.
«Bizdiń basty mindetimiz – qoıylǵan tapsyrmalardy ýaqytynda daıyndap, ushaqty ushqyshtarǵa daıyndap berý. Bárin tekserýimiz kerek, kórýimiz kerek. «Beıbit mıssııaǵa» Qazaqstan, Reseı, Qytaı, Úndistan, Pákistan, Qyrǵyzstan jáne Tájikstannyń áskerı basqarma bólimsheleri, qurlyq kúshteri jáne avıasııalary jumyldyrylǵan. О́zbekstan – baqylaýshy el. Jattyǵýdyń basty maqsaty – lańkestikke qarsy operasııany ótkizý kezinde áskerılerdiń barynsha birlese áreket etýine qol jetkizý», deıdi SÝ-25 aǵa tehnıgi Baktybek Saparshaev.