2011 jylǵy 22 qarasha Astana, Úkimet Úıi
Temeki buıymynyń qorabyna, temeki buıymynyń qaptamasyna shaıyrly zattardyń, nıkotınniń quramy týraly, quramynyń deńgeıi týraly jáne júıelik ýlar, kanserogendik jáne mýtagendik zattar týraly málimetterdi ornalastyrý qaǵıdalaryn jáne temeki shegýdiń zııany týraly eskertýdi bekitý týraly
«Halyq densaýlyǵy jáne densaýlyq saqtaý júıesi» Qazaqstan Respýblıkasynyń 2009 jylǵy 18 qyrkúıektegi Kodeksiniń 159-babynyń 2-tarmaǵynyń 8) tarmaqshasyna jáne 13-tarmaǵynyń 3) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan:
1) Temeki buıymynyń qorabyna, temeki buıymynyń qaptamasyna shaıyrly zattardyń, nıkotınniń quramy týraly, quramynyń deńgeıi týraly jáne júıelik ýlar, kanserogendik jáne mýtagendik zattar týraly málimetterdi ornalastyrý qaǵıdalary (budan ári – Qaǵıdalar);
2) temeki buıymynyń qorabyna, temeki buıymynyń qaptamasyna ornalastyrylatyn temeki shegýdiń zııany týraly eskertý (budan ári – Eskertý) bekitilsin.
2. Osy qaýly qoldanysqa engizilgen kúninen bastap on segiz aı ótken soń qoldanysqa engiziletin Qaǵıdalardyń 4, 6-tarmaqtaryn jáne Eskertýdiń 2, 5-tarmaqtaryn qospaǵanda, osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qaǵıdalardyń 5-tarmaǵy osy qaýly qoldanysqa engizilgen kúninen bastap on segiz aı ótken soń kúshin joıady.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 22 qarashadaǵy №1366 qaýlysymen bekitilgen
Temeki buıymynyn qorabyna, temeki buıymynyń qaptamasyna shaıyrly zattardyń, nıkotınniń quramy týraly, quramynyń deńgeıi týraly jáne júıelik ýlar, kanserogendik jáne mýtagendik zattar týraly málimetterdi ornalastyrý qaǵıdalary
1. Jalpy erejeler
1. Osy Qaǵıdalar temeki buıymynyń qorabyna, temeki buıymynyń qaptamasyna shaıyrly zattardyń, nıkotınniń quramy týraly, quramynyń deńgeıi týraly jáne júıelik ýlar, kanserogendik jáne mýtagendik zattar týraly málimetterdi ornalastyrý tártibin (budan ári – Qaǵıdalar) aıqyndaıdy.
2. Osy Qaǵıdalar temeki men temeki buıymdaryn ımporttaý, óndirý, kóterme jáne bólshek saýdada satý boıynsha qyzmetti júzege asyratyn jeke jáne zandy tulǵalardyń oryndaýy úshin mindetti bolyp tabylady.
2. Temeki buıymynyń qorabyna, temeki buıymynyń qaptamasyna shaıyrly zattardyń, nıkotınniń quramy týraly, quramynyń deńgeıi týraly jáne júıelik ýlar, kanserogendik jáne mýtagendik zattar týraly málimetterdi ornalastyrý tártibi
3. Shaıyrly zattar men nıkotın quramynyń deńgeıi týraly málimetter temeki buıymynyń qorabyna, temeki buıymdarynyń qaptamasyna jazylady jáne temeki buıymy qorabynyń, qaptamasynyń bir jaq búıir betiniń keminde 4%-yn (tórt paıyzyn) alady.
4. Keminde úsh zııandy qosylystyń quramy týraly málimetter:
1) júıelik ýlar: kúshála, synap, aseton, kógertkish qyshqyl, ammonıı, fenol;
2) kanserogendik zattar: polonıı-210, benzol, formaldegıd, benzpıren, kadmıı, akroleın;
3) mýtagendik zattar: asetaldegıd, tolýol, qorǵasyn, akrılonıtrıl, kómirtegi monooksıdi, 3-amınobıfenıl týraly aqparatty qamtıdy.
5. Keminde úsh zııandy qosylys – júıelik ýlardyń, kanserogendik jáne mýtagendik zattardyń quramy týraly málimetter temeki buıymdarynyń
qorabyna jáne qaptamasyna: «Temeki buıymdarynyń tútininde: formaldegıd, benzol jáne kómirtegi monooksıdi bar» degen jazba túrinde jazylady jáne temeki buıymy qorabynyń, temeki buıymy qaptamasynyń kólemi boıynsha árbir úlken jaǵyna ornalasady.
6. Osy Qaǵıdalardyń 4-tarmaǵynda sanamalanǵan on segiz túrdiń keminde úsh zııandy qosylysy – júıelik ýlardyń, kanserogendik jáne mýtagendik zattardyń quramy týraly málimetter:
1) soldan ońǵa qaraı temeki buıymy qorabynyń, temeki buıymy qaptamasynyń sol jaq shetine parallel ornalastyrylady;
2) sol jaq búıiriniń ortańǵy beti kóleminiń keminde 17%-yn (on jeti paıyzyn) alady;
3) kúntizbelik jyl ishinde Qazaqstan Respýblıkasynyń aýmaǵynda óndirilgen, sondaı-aq Qazaqstan Respýblıkasynyń aýmaǵyna ákelingen temeki buıymy qoraptarynyń, temeki buıymy qaptamalarynyń shamamen teń mólsherine ornalastyrylady.
7. Málimetter jazylǵan mátin mynadaı talaptarǵa sáıkes kelýi tıis:
1) memlekettik jáne orys tilderinde basylady;
2) qariptiń ataýy – Helvetica kz;
3) sol jaq shetten bos jer – keminde 2 mm;
4) túsi – qoraptyń negizgi aıasynyń túsine qarama-qarsy;
5) basqa baspa aqparatymen nemese aksızdik markamen búrkelmeýi tıis;
6) jyrtylatyn jerinde ornalaspaýy tıis.
Qazaqstan Respýblıkasy Úkimetiniń 2011 jylǵy 22 qarashadaǵy №1366 qaýlysymen bekitilgen
Temeki buıymynyń qorabyna, temeki buıymynyń qaptamasyna
ornalastyrylatyn temeki shegýdiń zııany týraly eskertý
1. Temeki buıymynyń qorabynda, temeki buıymdarynyń qaptamasynda ornalastyrylatyn Temeki shegýdiń zııany týraly eskertý (budan ári – Eskertý) temeki tutynýdyń jáne temeki tútinin jutýdyń adam organızmi úshin qatty zııan keltiretin saldary týraly aqparatty bildiredi.
2. Temeki tutynýdyń jáne temeki tútinin jutýdyń adam organızmi úshin qatty zııan keltiretin saldaryn beıneleý túrindegi tolyq túrli-tústi sýret jáne onymen birge jazylatyn jazba:
1) osy Eskertýge qosymshaǵa sáıkes eskızderge saı kelýi;
2) temeki buıymy qorabynyń kólemi boıynsha árbir úlken jaǵynyń ústińgi bóliginde ornalasýy;
3) temeki buıymy qaptamasynyń kólemi boıynsha árbir úlken jaǵynda ornalasýy;
4) kúntizbelik jyldyń ishinde Qazaqstan Respýblıkasynyń aýmaǵynda óndirilgen, sondaı-aq Qazaqstan Respýblıkasynyń aýmaǵyna ákelingen temeki buıymy qoraptarynyń, temeki buıymy qaptamalarynyń shamamen teń mólsherine ornalastyrylady jáne joǵary deńgeıde (CMYK keminde 300 dpi) basylýy tıis.
3. Eskertý mynadaı talaptarǵa sáıkes kelýi tıis:
1) temeki buıymy qorabynyń, temeki buıymdary qaptamasynyń kólemi boıynsha árbir úlken jaǵynyń keminde 40%-yn (qyryq paıyzyn) alýy;
2) móldir oraýysh plenkaǵa nemese qandaı da bir basqa syrtqy oraýysh materıalǵa basylmaýy tıis.
4. Eskertýdiń jazbalary, ilespe tolyq túrli-tústi sýretter eki tilde (bet jaǵynda – memlekettik tilde, kelesi betinde – orys tilinde) basylady jáne mynadaı mátinderdi qamtıdy:
1) «Temeki shegý ınfarkt pen ınsýltqa shaldyqtyrady»;
2) «Temeki shegý – ókpeniń qaterli isigine shaldyqtyrady»;
3) «Temeki shegý – ókpe emfızemasyna shaldyqtyrady»;
4) «Temeki shegý – tamyr aýrýlaryna shaldyqtyrady»;
5) «Temeki shegý – tistiń túsýi men parodontozǵa shaldyqtyrady»;
6) «Temeki shegý – baıaý ári azapty ólimge sebepshi bolýy múmkin»;
7) «Temeki shegý – ımpotensııaǵa shaldyqtyrady»;
8) «Temeki shegý – terini erte qartaıtady»;
9) «Temeki shegý – bedeýlikke jáne túsik tastaýǵa sebep bolady»;
10) «Temeki shegý – esirtkige táýeldi etedi»;
11) «Júktilik kezinde temeki shegý Sizdiń sábıińizge zııan keltiredi»;
12) «Balalardy temeki tútininen qorǵańyzdar».
5. Jazbalardyń mátinderi mynadaı talaptarǵa sáıkes bolýy tıis:
1) qariptiń ataýy – tiline sáıkes Arial kz jáne Agiai;
2) baǵyty – soldan ońǵa qaraı, temeki buıymdary qorabynyń jáne qaptamasynyń tómengi shetine parallel;
3) túsi – aq, spektr №255.255.255.
Temeki shegýdiń zııany týraly eskertýge qosymsha