Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 14 jeltoqsandaǵy №1526 qaýlysymen bekitilgen
Azamattyq qorǵanys is-sharalarynyń oryndalýy týraly esep berý qaǵıdalary
1. Osy Qaǵıdalar Azamattyq qorǵanys is-sharalarynyń oryndalýy týraly esep berý tártibin aıqyndaıdy (budan ári – Qaǵıdalar). 2. Memlekettik organdar jyl saıyn tıisti jyldyń 10 jeltoqsanyna tótenshe jaǵdaılar jónindegi ýákiletti organǵa Azamattyq qorǵanys is-sharalarynyń oryndalýy týraly esep beredi (budan ári – esep). 3. «Azamattyq qorǵanys boıynsha qalalardy – toptarǵa, uıymdardy sanattarǵa jatqyzý erejesi men ólshemin bekitý týraly» Qazaqstan Respýblıkasy Úkimetiniń 2005 jylǵy 22 qyrkúıektegi №942 qaýlysyna sáıkes azamattyq qorǵanys boıynsha sanattarǵa jatatyn uıymdar jyl saıyn tıisti jyldyń 25 qarashasyna tótenshe jaǵdaılar jónindegi ýákiletti organnyń aýmaqtyq organdaryna esep beredi. 4. Tótenshe jaǵdaılar jónindegi ýákiletti organ jyl saıyn tıisti jyldyń 25 qańtaryna Qazaqstan Respýblıkasynyń Úkimetine Qazaqstan Respýblıkasynyń aýmaǵynda ótken jyly Azamattyq qorǵanys is-sharalarynyń oryndalýy týraly esep beredi. 5. Esepter mynadaı derekterden turatyn erikti nysanda beriledi: 1) Azamattyq qorǵanys josparynyń bolýy; 2) Azamattyq qorǵanystyń basqarý, habardar etý jáne baılanys júıelerin jańǵyrtý men jetildirý jáne olardy paıdalanýǵa ázirlikte ustaý; 3) Azamattyq qorǵanys kúshterin jasaqtaý, jaraqtandyrý jáne ázirlikte ustaý; 4) zaqymdaý quraldary qoldanylǵan jaǵdaılarda qorǵanys quraldary tásilderine jáne is-qımyl jasaýǵa basqarý organdaryn daıarlaý jáne halyqty jappaı oqytý; 5) Azamattyq qorǵanystyń qorǵanys qurylystaryn salý men olardyń qoryn jınaqtaý jáne olardy jumys isteýge ázirlikte ustaý; 6) Azamattyq qorǵanys is-sharalaryn oryndaý jáne halyqtyń tirshiligin qamtamasyz etý úshin jeke qorǵanys quraldarynyń, materıaldyq-tehnıkalyq, azyq-túlik, medısınalyq jáne ózge de resýrstardy, rezervterdi kúrý, jınaqtaý jáne ýaqtyly jańartý; 7) tótenshe jaǵdaılardyń qaýpi jáne týyndaýy kezinde evakýasııalaý is-sharalaryn josparlaý jáne júrgizý; 8) avarııalyq-qutqarý jáne basqa da shuǵyl jumystardy daıyndaý jáne júrgizý; 9) ekonomıka salalary men obektileriniń turaqty jumys isteýi jónindegi is-sharalardy josparlaý jáne oryndaý; 10) problemalyq máseleler jáne olardy sheshý joldary. 6. Esepke memlekettik organdar men uıymdaryń birinshi basshylary qol qoıady. Memlekettik organdar elektrondyq sıfrlyq qoltańbamen kýálandyrylǵan elektrondyq qujat nysanynda, al uıymdar – qaǵaz tasyǵyshta esepterdi usynady.